عـــــوافي

عـــــوافي 00!!

مر الزمان وحظي اللي تعــدّاك…….يا مضـفي وده ردون العــوافـي

لا ياحبيب العمر وشلون بنساك…….لوصرت لي ذااليوم يازين جافي

مبـروك لوغيري غلبني بلاماك……..يبكيك قلب لك على الدوم وافي

ماعاضني في الكون هذاوهذاك…….لو انك نصيبي قلت يا رب كافي

لا عدت ياوقتٍ كتب لي بفرقـاك……..وما جور يا قلب طواه الهيافي

اشـفق عـلى روحٍ عليله تمنـــاك……..يوم الأمل راحت ظـعونه خفافي

مني الخطاوانته تري اللوم يعداك…….انا الذي انقض عهودك وتـافي

عزي لوقت كنت خلك ومضنـاك ……..يوم ان قلبك لي محب وصــافي

وأطري على بالي حنيني للقياك……واتهاملت حزن ودموع وخوافي

ان مربك طاري حبيب تمناك منك….. منك التذكر يا ادعج العين كافي

ماريد نسيانك ولـو بعد لا مـاك ……..يكفي فراقـك يا بعد كل لافـي

وماض ترك لي يااريش العين طرياك…لروحي الطف من هبوب الاريافي

قصيدتي والحال ماعاد يخفاك ……..في غيبته ضاقت على الفيافي

اقول لا . طيفه لفا البال حياك……..حيّاك.يا ملهم حروف القــوافي

يفداك عمر اللي يــودك ويـدراك……..لوكان له مديّت . كف التجافي

ماعاد لي يا كود..دمعي وذ****….. واحلام ذبلى قد ذرتها السوافي

أرحل وترحل وأزرق الدمع ينعاك ….. كل الخلايق عقب فقدك .عوافي

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق