عــــــــاريـه .. بين العـــرايا !!!

عــــــــاريـه .. بين العـــرايا !!!

إرتجـــــاليــّه ..

للأحبة الزملاء في المنتدى … مع التقدير ..

ما تبين الصــدق ؟؟ هذا الصدق فـ اللي تسمعــينه
أول احساس الجفا يعـزف على اوتـــار الحــنــايا

في وداع الحب / قلـبي / من يقـول الله يــعــيــنه
عــانــه الله يوم صــدّ مـــن الأمــاني والمـــنـــــايا

واعـنى اللي راحــت سنــيـنه ولا جـابــــت سـنـينه
غـيــر شــوف المــوت في كــلّ الأمـاكن والــزوايا

كنــت ألمّ الـودّ واطـــوي الصــدّ وانـتي تـبعـثـرينه
ما يهــزّك في الصـفــا ولاّ الجـفـا غــيــــر الهــدايا

سادره في الغيّ مالك فـ الصــــراع وفـ السـكـينه
ما يهــمــّك لـو تمـوت المـغـــــفـره بــيــد الخـطايا

وش حـفـظــتـي للوفـا يـوم الوفـا نـكــّس جـبــيـنه
وش تركتـي من سوايا ؟؟ وارتكـبتي مـن ســوايا

لـو خـذلـتـيـني قـبـل لا يمـطـرك قلــــــبي حـنـيـنه
كـان ماضـاعــت مـلامـحـنا على وجــــــوه المـرايا

يا صغــيره .. وين بـرهــان الوفـــا اللي تــدعّــيـنه
دمـعتـيـنك ؟ والوفـا راحــوا على شانـه ضحايا !!!

ماعشقـتـيني حـبـيـب يـفـيـض عشـق وتـعـشـقـيـنه
ما وفــيـتـي فـ الكـــلام ولا صـــــدقــتي فـ النوايا

ظــنــّك .. إنــّي شاعــر ٍ تـطـرب له اسماع المـديـنـه
كل بــيــت ٍ يـكـتـبـــه ياخــــــذ على حروفه عطايا

والله إنــّي شاعـــــــــــر ٍ مـامــدّ للــوالي يــديـنــه
عــزتــّه مـاهـي بــتـخــضـع للــــــــرزال وللـــرزايا

راس مــالي شاعــــــــر ٍ مهـمـوم وابــياتـي حـزينـه
من حكـايا بـنـــدر بـن ســـــرور عاشت بي حـكايا

كان حلـمي يوم كــلٍّ حــامـــي ٍ صــفــة قـطـيــنــه
وان دعى الداعى تـقـفّى الخـــيل درهــام الـمـطايا

حلم عـمـري غــادة ٍ ماهـي بلــلـدنــيــا رهـــيــنــه
بـنـــت شـيـخ ٍ يـردع الـعــــيلات وكـبـار الـبـــلايا

مـالها لـو يـنـتـظرها – كـــاسب الغــفــلات – بـيـنــه
حــــرّة ٍ في بـيـتــها ما كـنــّها الاّ من الســــبــايـا

يــاصـغــيــره كــلّ شـــيٍّ يـنــتـهي لــو تـبـتـديـنه
ما يعــوّد مــثــله اوّل دامــها انكــشـفـت خـفـــــايا

إقراء أيضا  خـَلـَص حـنـانـك

والله إنـــّي ما كـرهـــــت إلاّ البـحـر هـو والسفـيـنه
دام فـــيـني عـاد لاهــــل الـخــيل والصحرا بقــــايا

عاشـق اللـي من حــيـاها بالـمـظـاهـر مسـتــهــيـنه
وانـتـي لـولا الخــوف سـرتــي عـاريـه بـين العـرايا

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق