عبارات مدح قبيلة الغامدي 2019

حنا بني غامد سيوف بواتير ****** حنا السيوف الذابحات الصقيله
حنا لا جت الحرب جينا طوابير ******** نشعل نيرانها و نولع فتيله
حنا الشهامه و الرجال المغاوير ***** حنا ليا سكرنا نذبح قبيله
غامد أهل الردات اسود مناعير ***** أهل الكرم وهل العلوم الأصيله
حنا ليا زئرنا تسمع أعاصير ****** إعصار يشتت العلوم الدخيله
الجود و الكرم رجال غنادير ****** علوم تشفي القلوب العليله
غامد السيف و حد المناشير ****** ذباحة شيوخ و الشر تزيله
غامد الهيلا علاة المقادير ****** اسنان سيوفها بتنهي دويله
ننهي قبايل ونت شوف التكابير ****** خيالة الحردا رجال جليله
صلاخة المعتدي قناصة الطير ****** قتالة الشر و نلعن جديله
حنا لا زعلنا نصبح مساعير ******* شرابة الدم في كل ليله
غامد أبطال رجال أساطير ****** و خيل الكميت تسمع صهيله
حنا لا جا العدو نصبح مناحير ***** نقلب نهار العدو ظلمه و ليله
و المغرمي كلمته غير و غير ****** كلمته تهز الجبال الثقيله
قدرنا عالي و محنا بطراطير ****** ما نرتضي بالعلوم السفيله
مملكتـنـا تفتـخـر برجـالـهـا
حـرةٍ دوم السعـد يبـرى لـهـا
درةٍ مــا فـيـه دار مْثـالـهـا
وفي مغانيها الصـروح الرائعـات
فـي كنفهـا يسكنـون الغانميـن
الرجـال اللـي بهـا متنومسيـن
كاسبين المدح فـي عسـر وليـن
اهـل قـالات وفعـولٍ طالـعـات
بمدحهم يتشرف اللـي مـا دحـي
قـدوة البيـرق ونـور لا يحـي
من تـذرّى فـي ذراهـم رابحـي
فالسنيـن التاليـه والمرمـسـات
نمدحي اهل المدح بالقول الجزيـل
ولا نحسّـب اللضعيّـف والهبيـل
ومعْ هل البنيان نبنـي مـا نهيـل
ولا نوالـي لليديـن الهـادمـات
ونذكر اهل الطيب والفعل المجيـد
بالثناءْ والمدح واجـزال القصيـد
كل من يسكـن وطنّـا بـه نشيـد
والقبايـل للمعـالـي شايـمـات
وانا عندي قول ما هو بـاي قـول
علـم يجمّـل ولـه قـدر وقبـول
وجيت اعنّ الهجن واعسف الخيول
والظماير بالشجـون مهوجسـات
امدح اللـي يكسبـون الطايـلات
الزحـول اللـي مواقفهـم ثبـات
القـروم اهـل الفعـول النـادرات
اهـل وقفـات وعلـوم ذائـعـات
وباسم ربعي ابتدي ولـي الفخـر
غامد التاريخ مـن بـدو وحضـر
غامد الهيلا وهـل يخفـى القمـر
مسطرين امجادنا اهـل المعجمـات
غامد الهيلا اسمنا وقـت الزحـام
لا اشتبك عج المعـارك بالعسـام
وادلهـم ملـح الثميـد كالغـمـام
كم جموع قدمنـا راحـوا شتـات
خصمنا في كـل ميـدان مهـزوم
وعلمنا يفـوق عـن كـل العلـوم
وسلمنا يفرق علـى كـل السلـوم
العوايـد والمـذاهـب نــادرات
غامـد الهيـلا مزبنـة الدخـيـل
غامـد الهيـلا مرويـة الصقيـل
ما نشـى فينـا ذليـل ولا بخيـل
بالنواميـس المواقـف شاهـرات
ان دعانا الحرب نلطم كـل عيـن
وان دعانا البـذل مديـن اليديـن
بالجمايـل والجزايـل شاهـريـن
الروابـع والمـبـادي سامـيـات
وافتخر في ذكـر ربعـي بـد بـد
وعزنـا بالخالـق الفـرد الصمـد
لاتنصتنـا الـلاوازم مـا نـصـد
والفتى منـا يـلادي لـه ميـات
ال حلـة عزوتـي وقـت اللـزوم
صيتهم مثل القمـر بيـن النجـوم
هم مزبنة الدخيـل اهـل السلـوم
سلمهم ما قد حصـل مثلـه بتـات
وربعي الزهران مـا قفهـم كبيـر
بالكرم والجود والسيـف الشطيـر
كاسبين المـدح فاليـوم العسيـر
كم عيـون مـن سببهـم باكيـات
وبني ضبيـان الاسـم البارعـي
الأصـل لاول بـدون منـازعـي
الوفـا والطيـب منهـم نابـعـي
والمراجـع بالحقايـق شـاهـدات
وربعي رفاعه هل السيف البريـع
رجلهم فـي كـل ميقـاف شجيـع
هم هل الفزعات في يـوم الفزيـع
خصمهـم يمـوت قـدام الممـات
وربعي الجرشان سيل من العنـوق
لا تزبر له رعـود ولـه بـروق
ما نشى فيهـم خـدوع ولا دروق
دوحة باسمى الجمايـل عامـرات
والهجهاجي له فـي العليـا مكـان
مشبعين من العدى حـد السنـان
نخوة الناخي ليـا اشتـد البطـان
كم جمـوع فـي كنفهـم لا يـذات
وبني خثيـم هـل تقـوى وديـن
وبالشكالـه والـدلالـه فايقـيـن
وبالعلـوم الغانمـه متنومسـيـن
فالسنيـن الماضيـه والحاضـرات
وال طالب مثـل نايفـة الحصـون
القبايـل فـي ذراهــم يتـقـون
فالمعـادي والمبـادي يشـكـرون
نورهـم يجلـى ظـلام الحالكـات
وال عبدالله كما نـوض البـروق
البروق اللي تسوق المزن سـوق
الجمايل عندهـم عشـق معشـوق
وبالكرم مثل الغـروس المثمـرات
والزوايع عـز مـن يلجـي لهـم
بالمكايـل دوم يـرجـح كيلـهـم
وبالمغـازي مـا تفـرق خيلهـم
كنهـم نصـب قفتـه الـذاريـات
والشهامه قسـم بالشهـم الكـرام
رجلهم يرقى العـلا وتـوه غـلام
والمواقيـف العظيمـات الجسـام
ما لها الا اهل القلوب الصامـلات
وال مسلّـم للعـدى غـدة نحـر
وفالمواقـف كنهـم مـوج البحـر
بفعلهـم بيـن القبايـل نفتـخـر
مجدهم شامخ وراع المكـر مـات
والرهوه من ربعنا ومـن روسنـا
لبسهـم يـوم الوغـى ملبوسنـا
والعـدى يسقونهـم مـر وسنـا
بالرمـاح وبالسيـوف الباتـرات
وغامد الزناد مـن صـوب التهـم
فارقـيـن بالشهـامـه والـكـرم
حي قيف لـه فـي العليـا سهـم
سيفنا الصارم على روس العـدات
والكبيري درعنـا علـى الجنـوب
مثل ضلـع مـا تحركـه الهبـوب
خصمهم في كـل ميـدان مغلـوب
وعنهم رقاب الاعـادي صايفـات
وربعي ابني سيد حامين الظعـون
كم خصيـم عقبهـم راح مغبـون
وبالجمايـل يذكـرون ويشكـرون
عز من ظامتـه عـوج النايبـات
وربعي القنازعـه سيـف صـروم
ما يتغيّب رجلهـم وقـت اللـزوم
اهـل عـادات وتقاليـد وسلـوم
معقلين اهـل العقـول الدايخـات
وربعي البشابشه مرسى الضيـوف
طيبهم في كل الازمـان معـروف
وفي نهار الهول احد من السيوف
السيـوف المرهفـات القاصمـات
والدعاجيـن النشـامـا ربعـنـا
جمعهم مـا يفتـرق عـن جمعنـا
كـل شهـم فالمواقـيـف معـنـا
ولا حسبنـا للنفـوس الساقطـات
كلبونـا دعـوى قيـف الغامـدي
ما دخل فـي صفنـا خبـل وردي
واسمنـا بيـن القبايـل سايـدي
الاسم سايـد والمذاهـب سايـدات
والقبايـل كلـهـم رواد طـيـب
كـل قيـف دون ميقافـه صليـب
رودة الرايـد ولـطـم للحـريـب
والعوايـد والمذاهـب بــارزات
واجـب نذكرهـم بجـزل الكـلام
حـق واجـب لانظيـم ولا نظـام
كـل قيـف لـه مكانـه واحتـرام
والفعايـل للـعـوارف بايـنـات
روس زهران العناصـي غانميـن
صاملين الـروس وكـرام اليميـن
فـي مياديـن الرجولـة بارزيـن
بالمبـادي والسلـوم الـزاهـرات
وخثعم اهل الوافيه وقسـات روس
الوفا ما غيرهم لـه مـن يـروس
والعرب من طيبهـم تاخـذ دروس
من الفعول الباهـرات الفارعـات
ونذكر ظهور السواني روس قـوم
البقوم اهـل المراجـل والسلـوم
والله ونعـم ياصناديـد البـقـوم
لا دعى الميقاف ما قفهـم ثبـات
ودوحة الغلبا سبيـع اهـل الكـرم
والشجاعـه والمعـارف والحكـم
لا ذكرنـا سبيـع قلنـا والنـعـم
بالرجال اهـل الوفـا والمكرمـات
واكلب السفرين واعزاز النفـوس
كاسبين المدح وحمـاة الغـروس
عيال تغلب لا بدت روس لـروس
صيتهـم شاهـر بكـل الناحيـات
واذكـر عتيبـه متعبـة الركـاب
رجلهم يـوم الملاقـا مـا يهـاب
القـروم اهـل الاصالـه والاداب
فعولهم بيـن القبايـل واضحـات
وبنـي مالـك معسّفـة المـهـار
اهل صـولاتٍ وجـولات وشنـار
لهم فـي كـل المياديـن اعتبـار
لابة لاسمـى المعانـي شايمـات
وبلي اهـل الوفـا واهـل الكمـال
مكرمين الظيـف وكـرام السبـال
مجدهم بالعـز شامـخ مـا يـزال
ساطع مثـل النجـوم الواهجـات
واذكر المطران حمـران العيـون
بالجمايـل والمدايـح يـذكـرون
رافعين الغبن عـن كـل مغبـون
وفالمـواقـف يكسـبـون الاولات
ولا نسينا صلب قيـف الناشـري
مثـل حـد الهيلمـان البـاتـري
طيبهـم طيـب فريـد ونــادري
بالفعـول الوافيـات المحكـمـات
والزعوب اللي لهم صدر المكـان
كاسبيـن الفـود وطْـوال اليمـان
احتمـوا مشربهـم بحـد السنـان
وصدّر هجن الاعـادي مضميـات
واذكر شهران العريضه فالجنـوب
منزهين من النقايـص والعيـوب
غدة الحراب في وقـت الحـروب
والمشاهـد فالمواقـف مـذهـلات
واذكر هذيل الشرف درع الحجـاز
عسكـر البـارود وقـروم عـزاز
صورهم يوم المعـادي مـا يهـاز
ومن يلوذ بجالهم يلقـى النجـات
ثم بني خالد عمى عيـن الحريـب
لا وشت روس الفتايـل باللهيـب
في نهار الضد ما قفهـم صعيـب
مطوعين اهل الرقـاب العاصيـات
وروس بالاسمر لهم عز وشـرف
يعسفون العاصي اللي ما انعسـف
خصمـه يـوم الملاقـا يرتجـف
والمواقـف واضحـات بيـنـات
والطويـرق بالجمايـل سابقـيـن
فـي مياديـن الشهامـه بارزيـن
عـزوة فـي كـل ميـدان تبيـن
والمذاهـب والعـوايـد فايـقـات
ونعـم بسفيـان سفيـان الـوفـا
رجلهم في كـل موقـف مـا هفـا
للمكـارم والنوامـيـس احلـفـا
صيتهـم بـارع بكـل الواجهـات
ونعم بشمـران بحـر مـا يقـاس
وباسهم على العـداة اشـد بـاس
خصمهم ما لذ فـي جفنـه نعـاس
كم عيون مـن سببهـم ساهـرات
والرويلـي لـه بعـد قـدر وّقـار
اهـل فزعـات ونومـاس وكـار
من نصاهم يلتقـي جـود وشنـار
اهـل تاريـخ وفعـول هـايـلات
واذكر جهينه الاشـاوس بالجميـل
مالهـم فـي كـل ميـدان مثيـل
ظلهم فـي ساعـة الهيجـا ظليـل
والجمايـل بالمواقـف كـايـدات
والطنايـا شمـر الاسـم العريـق
غـد الحـراب ريـف للصـديـق
تشهد لهم اجا وسلمـى وطويـق
والسيـوف الباتـرات المرهفـات
وبالثنا والمدح ما ننسى السهـول
الصناديـد المغـاويـر الـزحــــــول
صيتهم معروف من عهد الرسـول
بالشرف والعز واجـزال الصفـات
والظفيري ونعـم بـه لا هريـت
الظفيـر اهـل تماثيـل وصـيـت
مثلهم بيـن الخلايـق مـا لقيـت
بالجمايـل والعـلـوم الغانـمـات
وما نسينا بالذكـر صبيـان يـام
من زبنهم مـا يهـان ولا يضـام
نورهم يجلـى حناديـس الظـلام
كنـه انـوار البـروق الخاطفـات
والشرارات اسمهم يقـدح شـرار
للمعادي في نهـار الحـرب نـار
وللموالـي عـز وجـلال وّقــار
لا بــة بافعالـهـا متمـيـزات
ثم ثقيف الـى بـدا قيـف لقيـف
علمه صعيـب والموقـف كليـف
كنهم وقت الشدايـد حـد سيـف
يقصمون اهـل العلـوم التافهـات
ولا نسينا بالذكـر قـوم الرسـول
اذكر قريـش الصناديـد الزحـول
عزهـم عـز مجيـد ولا يــزول
وخيلهم يـوم المغـازي هاجمـات
ثم بني مـره لهـم وجـه وجـاه
الكـرم والجـود منهـم مبـتـداه
مطوعيـن بالقنـا روس الطغـاه
وفارقيـن بالعـلـوم الوافـيـات
ثـم بنـي رشيـد عزمـا يبـيـد
حاضـر مجيـد والماضـي تليـد
اسمهـم فـي كـل ميـدان فريـد
والقصايد عـن مداهـم عاجـزات
ثم قحطان الشرف واصل العـرب
مطوعين الخصم بالسيف الحـدب
من مـدح قحطـان قلنـا ماكـذب
نجدة المضهود وقـت المعضـلات
ثم بنـي تميـم ونعـم يـا تميـم
علمهم فـي حـزة الشـده طميـم
وقيل لو تغضب قبيلـة بـن تميـم
تحسب ان كل القبايـل غاضبـات
والهواجـر مـا تغـبـا طيبـهـم
كــل رواد الحـكـم تدريبـهـم
عزوة اللـي فاللقـا يبـدي بهـم
الهواجـر كاسبـيـن الطـايـلات
وقيف بالحارث يعـد لهـم عـدود
في ميادين الشرف مثـل الاسـود
وبالمكارم اهل طيب واهـل جـود
مدلليـن اهـل العقـول التايهـات
واذكر الاشراف والموقـف كبيـر
صيتهم في كـل ميقـاف شهيـر
عزوة في مدحهـا المـادح يحيـر
وفاللقا مثل الصقـور الجارحـات
والحويطـات اسهـم بالعـز بـان
لا دعى الداعي لهم قـدر وشـان
كاسبين المدح من مـاض الزمـان
وخصمهم يلقى الدروب المتعبـات
والدواسر سيـف يقـص الحديـد
عزوة المضهـود فاليـوم النكيـد
باسهم عنـد اللقـا بـاس شديـد
وخيلهم يـوم المواجـه مرعبـات
ونعم بحرب الدول حـرب العـدى
رجلهم مـا ينهـزم يـوم الـردى
وعزهم يبقى على طـول المـدى
وفي مواقفهم يشيـدون الـروات
والعسيـري دون ميقافـه عسيـر
مـروي بالـدم مسلـول الجفيـر
وبالمكـارم كنـه النـو الغـزيـر
يروي فجوج الخبـوت الممحـلات
وروس بالقرن الرجال اهل الشيـم
الزحـول اهـل المذاهـب والقيـم
كنهـم نـار علـى راس العـلـم
وروسهم بيـن القبايـل عاليـات
ثـم بالاحمـر لهـم علـم وخبـر
صيتهم فـي كـل موقـف معتبـر
واسمه بيـن المناصيـب اشتهـر
بالمدايـح والعـلـوم الفـارقـات
ولابة العجمان لاصـاح المصيـح
خصمهم في ساعة الهيجا طريـح
ويفتخر في مدحهـم راع المديـح
كنهـم شـم الجبـال النايـفـات
وان ذكرنا سليم طيب فوق طيـب
كاسبين المـدح فاليـوم الصعيـب
رجلهم مـا يلحقـه شـك وريـب
من سليم اهل الفعـول الخالـدات
وبنـي شهـر الكـرم والمرجلـه
فعولهـم وقـت الشدايـد مذهلـه
صلـب قيـف يكسبـون الاولـه
عنهم كفوف الاعـادي قاصـرات
واذكر الصيعر عريبيـن النسـب
في نهـار الغيـظ نيـران ولهـب
خيلهم دايـم علـى عـز الطلـب
للاعـادي فالمبـادي ناصـيـات
وبنـي عطيـه شيـوخ وجـبـر
علمـه بيـن القبايـل مشتـهـر
وخصمهم يسقونـه الـدم الحمـر
كنهـم مـوج البحـور الطافـرات
وروس عليان الصناديـد الدهـاه
من يلـوذ بجالهـم يلقـى النجـاه
لابـة تاريخهـا يبـهـج سـنـاه
بالسيوف اللي بالاعداء واسمـات
ولا نسينا ذكـر قيـف الوادعـي
اسمهـم يـوم الملاقـى فارعـي
كنهـم بـرق شعاعـه لامـعـي
يردعـون العيّـل اللـي طامعـات
واهل فيفـا علمهـم مـا ينجهـل
كل فيفي عريـب اصـل وفصـل
اسمهم باعلـى المعالـي مستقـل
وخيلهم يـوم الطرايـد سابقـات
وبنـي ذبيـان ونعـم بالـرجـال
كاسبيـن المـدح ذربيـن الفعـال
اهـل شيمـات ومـدات جــزال
لابـةّ بارقـى المبـادي نايـدات
وكل جيزاني على مذهـب وديـن
موقفه في ساعـة الشـدة يبيـن
دون حـد المملكـة درع حصيـن
لا حصل عند الحـدود مناوشـات
واهل مكة واهـل جـده والمدينـه
والذي من ربعهـم بايـة مدينـه
كل سعودي علـى الاسـلام دينـه
دون حـد المملكـة درع وحمـات
واعتذر لاهل الوفـا عـذرٍ جميـل
للرجـال اللـي يعرفـون الدليـل
عذر وافـي يذخـره جيـل لجيـل
كان ما اوفيت الحقـوق اللازمـات
اعتـذر لاهـل الجمايـل والفخـر
ان نسينـا صلـب قيـف ماذكـر
لله الكـمـال خــلاق البـشـر
عالـم بسـر الامـور الكامنـات
كلنـا فالاصـل شعـب واحــدي
وديننـا الاسـلام ديـن خـالـدي
امــة وحــدة وبالله نهـتـدي
ولا استمعنا للدعـوي المغرضـات
ديننا الاسـلام ومنهجنـا السـلام
وانتهضنـا للعـلا والحـظ قــام
وبيننا مـا فيـه فرقـه وانقسـام
والهمم لاعلا الرتـب متحمسـات
كلنا الامن دعـى الداعـي جنـود
تحـت ظـل مْلوكنـا ال السعـود
نرخص الارواح من دون الحـدود
لا حصل عند الحـدود مجابهـات
بيننا مـا بـه طوايـف جاهليـه
ولا استمعنا في دعـاة العنصريـه
يظمنا الشعب السعـودي بالسويـه
وللاسلام وللسـلام حْنـا الدعـات

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق