عايزه تعملى انتى وجوزك ليله اجمل من ليالى 2019

ازيكوا يا ستوتات
من غير لت وعجن كتير حلوه لت وعجن ده اعلتمتها من حماتى الله يهديها المهم نفسك تعملى ليله اجمل من ليالى نور ومهند اللى كتير منكوا للا سف مبهورين بيهم على رغم من انه مجرد مسلسل ساقط وملهوش اى معنى على فكره انا والله ما اتفرجت عليه لكن قريت عنه من المقالات اللى بتتكتب عنه وشوفت مره اعلانه على التلفزيون المهم نسيبنا بقى من عمكوا مهند وطنطكوا نور ونخلينينا فى اجوازنا احنا هنبتدى الليله بتعتنا من ساعة ما جوزك يجى من الشغل هتقومى توضبى اكله انتى ماهره فيها وبتعجبه اوى منك وتعملى كيكه ويفضل لو جبتى تورتايه وقبل جوزك مايدخل البيت وتكونى مجهزه كل حاجه وطبعا مش هقول لكم ورد بقى والكلام ده لانكوا بقيتوا اساتذه فيه وفى الغالب مش بيجيب نتيجه مرضيه ليكى خلاص كده انتى عملتى الاكل وحضرتى حاجه للشرب وياريت طبعا تبقى اى نوع فيروز ليه علشان الفيروز حلال وفيها شبه من البالى بالك علشان نديهم ايحاء بس بالله عليكى بلاش بقى تضربوا الكاسات فى بعض والكلام الهابط ده المهم كده خلصنا البيت
تعالى انتى بقى هتخشى اوضة نومك تلبسى برمودا وبدى مفتوح اخر حاجه وتعملى ميكب حلو بس بالله عليكى فى كل ده اوعى تنسى الصلوات والسنن على قد ما تقدرى وضبتى نفسك وبقيتى حلوه ومظبطه دخل هو من الباب مترحيش تستقبليهلالالا خليه هو اللى يدخل ليكى ويتفاجئ وده عن تجربه سلمى عليه بوسيه من خدوده وجبهته حتى لو كنتى مش متعوده على كده ادخلوا اتغدوا وسبيه لو متعود ينام شويه ينام يصحى ارجوكى لو على اذان المغرب هتقومى انتى وهو وتطلبى منه تصلوا سوى سيان السنه او الفرض لو هو بيصلى الفرض فى المسجد صلى معاه السنه فى البيت واكدى عليه انك مستنيه يصلى معاكى السنه صلتوا اقعدى معاه اتكلموا فى اى حاجه اوعى الفتره دى تخليه يتشغل بحاجه غيرك وبالذات فى اليوم ده واوعى تخليه يعمل اللى فى دماغه بعد ما شافك كده وفهم اخرة الموضوع ايه هتفضلوا تتكلموا مع بعض بحب ودلع وتستمرى حتى لو لقتيه مستغرب مش مهم المهم اللى جاى

هتصلوا العشاء بردوا مع بعض هتصلى السنه انتى وهو بس قبل ما تصلى سنة العشاء هتبقى نيتك ان ربنا يحببه فيكى ويالف قلوبكم ويسعدكوا سوى وتدعى لربنا وانتى بتصلى معاه ان ربنا يهديه ليكى ويا سلام لو تعملى الموضوع ده وانتوا فيه بينكوا مشكله لاقدر الله وتقوليله صراحة انا عايزه انا وانتى نصلى مع بعض علشان ربنا يزيل ما بينا ونقرب لبعض لانى بجد بحبك ومش عايزه رضى حدغيرك لان انت جنتى اللى بتمناها خلاص كده صليتوا ودعيتوا وختمتوا الصلاه ابدوءا كولوا التورته واشربوا الفيروز وحطى حتة التورته فى فمك وقوليله سمسم خد الحته ديه وخليه وهو بيشرب وشربيه من كاسك واعملى بقى حركات الدلع اللى بتعمليها وبقتى استاذه فيها وهو كمان بيحبها وسيبى الباقى عليه
تعرفى بقى لو عملتى كده وبديتى يومك معاه وانتى ملتجئه لربنا وفى نفس الوقت عملتى حركات الدلع والرومانسيه والله عن يقين هتبقى احلى ليله فى عمرك وعمره بس بالله عليكى ركزى جدا فى يقينك بالله وانك بتعملى كده علشان تبقى سعيده انتى وجوزك وربنا يهديه ليكى وطول ما ربنا شايف منك الخير والله هيعطيكى الخير لان ربنا اصلا بيديكى الخير وانتى بتذنبى يبقى مش هيديهولك وانتى بطعيه هل ده ممكن
طبعا انا عارفه ان كتير منكم هيدخلوا وهيصدموا ان الموضوع مش زى ماهما متخيلين لكن والله ده عن تجربه منى ومن ناس كتير جربى تبقى ليلتك مع جوزك بدايتها صلاه ونهيتها صلاه وشوفى النتيجه ايه انا وانتى جربنا حاجات كتير رومانسيه بس وساعات العاب زوجيه وساعات الدلع وحاجات كتير مش فكراها دلوقت لكن بالله عليكى جربتى انك تخلى الليله الرومانسيه دى اولها رضى ربنا واخرها رضى ربنا ارجوكى جربيها جايز تفرق معاكى وازوجنا يحبونا بجد ونبقى فعلا كل حياتهم
اللى شايفه الموضوع وحش بعد ما دخلته ارجوكى ادعيلى برده لان ده جهدى اللى قدرت عليه جايز ميستهلش بس اهه حاولت ماشى ولا ايه واللى عجبها اكتبى تعليقك وافكارك لو فيه عندك افكار للسعاده تانيه خلينا نستفيد منك وارجوكى لو عجبك ومش ناويه تعلقى علشان مكسله او مش حبه ادعى لى دعوه حلوه والملك هيقولك ولكى المثل يعنى هستفادى من الدعوه لنفسك كمان شوفى بقى لما الملك يؤمن على دعاكى فختارى احلى الادعيه اللى نفسك فيها وادعيها ليا علشان استفيد انا وانتى
احبكم فى الله

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق