طعنة غدر………

قالوا أحباب قلبي ليش شحّ الوصالهو تغلّي علينا يافهد أو كبر
كنت تمزح وتضحك لو يطول الجداللكن الحين ياخي صرت ضيّق صدر
أضحكوني وهاضوا عبرتي بالسؤالأبي أجامل ولكن ماقويت الصبر
قلت لاشيء يذكر ياعيال الحلالبس الأشغال واجد والمسافه سفر
قالوا حتى الموبايل مايجيه إتصالليش قافل جهازك من حوالي شهر
قلت ماهو مقفّل بس برّى المجالجاري البحث لكن للأسف ماعثر
قالوا ألعب على اللي مايعرفك تعاللاتهرّب وجاوب مايفيد العذر
قلت جرح(ن)قديم ونقّضته اللياليكفي بالله عليكم ماناقصني كدر
طاح صرح المحبّه والغلا لايزالالغلا زاد قدره والتواصل ندر
من عقب ماهوانا للخلايق مثالحسبي الله عليكم يالقلوب القشر
وين ذاك التواصل صار مثل الخيالبين مزح وعتاب وبين ضحك وسهر
أحرموها تجيني وأبعدوا به شمالقصدهم من طرفها مايجيني خبر
صرت أنا مع حبيبي عايشين إنعزالللرسايل رقابه والتّجوّل حظر
ياوجودي عليها مابها مايقالوجد صدّام ساعة حاصروه الكفر
أنتخى طير شلوى يوم طال القتالبس محد(ن) فزع له لين راحت جبر
مااتحمّل غيابك ياحسين الدلالوش حياتي بدونك ياربيع العمر
العيون الشّقيّه تشتكي للّيالوالسّهر صار طبعي ياشبيه القمر
كل ماذكر خيالك هل وبل الخيالوهلّت مزون عيني من غزير المطر
الفراق الله أعلم بسّ ننسى محالعهد مأنسى حبيبي لين أزور القبر
والجدي لو تغيّر عن مكان الشّمالماتغيّر خفوق(ن)في غرامك عمر
أعشقك ياغرامي لو يقولوا هبالوأذكرك ياحياتي كل غيبة قمر
من يطمّن خفوقي عن هذاك الغزالبيننا ياخلايق من يرد الخبر
يالله إني طلبتك ياعزيز الجلالبالسّحر قبل موعد ركعتين الفجر
محصي الخلق بأمره رزقهم والزوالسامعن صوت يونس وسط ليل وبحر
يكتبك من نصيبي ماعلى الله محالردّ يعقوب مبصر في مجرّد أمر
وياترى وش تخبّي مقبلات الليالننتظر والله أعلم وش يقول القدر

إقراء أيضا  الا حبيبك لاتحاول تذله
الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق