شلت القلــم

شلت القلــم

لاهاض ما بالجاش حضّـرت الأقـلام
مـع الحبـر لمسّطـر البـوك جبنـا

شلت القلم بيـن الأنامـل والإبهـام
باسـم الولـي رب الخلايـق كتبنـا

دنياك يا (مبارك) بهـا العـز مـادام
نجهـد نبـي نحوشـهـا وتغلبـنـا

من لاحفظ دينـه لـه الحـظ ماقـام
وإن مـا تمسكنـا خسرنـا وخبنـا

تمضـي سريعـات الليالـي والأيـام
تفنـى وحنـا لميدهـا,, مـا قربنـا

دنياك يا (مبارك) مثل طيف الأحـلام
مـرّة يفرّحنـا,, ومــرّة رعبـنـا

نعيـش بالدنيـا بخيـرات وأنـعـام
والله مـن كـل الفضايـل وهبـنـا

تالي مصير العبد رقعـة مـن الخـام
مهمـا جمعنـا مانفعـنـا ذهبـنـا

ترى القـدر صايـر ولامنـه مهـزام
يصيبنـا سهـم القـدر لـو هربنـا

لابـد ساعـة ياتـي اليـوم هجـام
وإليا حضـر هيهـات ينفـع عتبنـا

مباهـج الدنيـا خرافـات وأوهــام
يامـا عشقناهـا ويـامـا خطبـنـا

وأخبرك أنا غيّرت وضعي من العـام
والحمـد لله يافتـى الجـود (تبنـا)

ونسّت حالـي بالقوافـي والأغـلام
والـيـوم دارّن الليـالـي وشبـنـا

عن وصف غضات الصبا خاطري شام
جزنا من علـوم الغـزل وانسحبنـا

وأستغفـر الله مانقـول العمـل تـام
يامـا وقعنـا بالخطـا ثـم اصبنـا

وصلوا على سيد العرب سيد الاعجام
المصطفى الهـادي بدينـه عصبنـا

الوسوم
إغلاق
إغلاق