شعر بالعامية عن اسم البدوى 2019

قالت ترى منت بحلو قلت رجـال

والزين ماهو من شروط الرجولـه
=================
الزين يلقى عنـد لباسـة الشـال

والرجل زين ان كان زانت فعوله

=================
قالت علامك تلبس شماغ وعقـاال

انت بدوي؟ قلت بدوي ومن حموله
=================
ما ألبس بناطيل لها الوان واشكال

وامتر الشارع بعرضـه وطولـه

=================
قالت اجل راعـي معاميـل ودلال

شرب القهاوي تحسبونـه بطولـه
=================
كيفي يابنت الحضر دله وفنجـال

وحليب خلفـه بالمـراح معقولـه
=================
وحب الكرم والجود وعلوم الابطال

مغروس فينا من زمـان الطفولـه

=================

قالت ترى بنت البدو حظها مـال

قلت احذري حذرا تكوني جهولـه
=================
بنت البدو يابنت مضرب للامثـال

فوق الجمال وطاعـة الله خجولـه
=================
ماحطة اصباغ ولا حطت ظـلال

ولا سيرة بالسوق سيـر مهبولـه
=================

ن1

ودي بـك وابيـك وابـاك وابـغـاك

جمّعتهـا لرضـاك واختـار فيـهـا

شف ويش منها يتبع احكاك ورضـاك

واللي لك اسقـي مسمعـك لا ضميهـا

غديت (افر)احكـاي واسايـر احكـاك

وانـا تشّـرف لكنـتـي واهتويـهـا

مضمونهـا ودي بشوفتـك واهـواك

ياللي دروب اهل الـردى مـا تجيهـا

صانـك ولـي امـرك وحبـك وداراك

ولاقــدر ردع الحـظـوظ ومجيـهـا

نفسـك مهذبهـا وعـز الله ربّــاك

مايـدري ان جيـش الهيـام يغزيـهـا

الله قسم يبـلاك بـي وانـت يبـلاك

باللي سواتـي فـي العـرب يرتجيهـا

محبة (ن ) ذربه من القلـب تكسـاك

محبـة (ن) صـدق الهـوى يكتسيهـا

يامرك قلبـك بالوفـا لـي وتنهـاك

ناس (ن) على لامـاك تفـرك يديهـا

رزين عقـل ومـن مزايـا مزايـاك

نفسـك تحـب وعفـتـك تمتطيـهـا

تطيع عقل (ن) ما بعـد زل واغـواك

مشاعـرك تعصـاه ..وانـت تعصيهـا

ماشفـت منـك الا عيونـك ويمنـاك

محبـة (ن) راع الـردى مـا يبيـهـا

يقبـض فـوادي لا تخيلـت فرقـاك

ياشف عين (ن) مـا سـواك يعنيهـا

وياعزوة اخوانـك ومطلـب هـذولاك

ناس (ن) محبـة والــدك تدعيـهـا

ناس (ن) تخـدم ابيـك كلـه لعينـاك

وهـو يحسـب ان الله عليـه يهديهـا

ياجعلها تفدى علـى الارض ماطـاك

والله بمـن هــو مثلـهـا يبتليـهـا

لكـن لعـب فـي ياوليفـي تغّـلاك

و نفسي غلاك مـن الصـدود يحديهـا

تبطـي علـي وانـا هنـا واتحـراك

و كبـدي لواهيـب الصبـر تشتويـهـا

واجمّع علومك امـن هنـاك وهنـاك

وو الله لـو انهـا تنشـرى لا اشتريهـا

وعذرك (انا لاهي) يا ويش اللي الهاك

لااهـي ومر(ن)منـت لاهـي تليـهـا

كانك مشكك في الوفا والغـلا هـااك

جوالـي اقـر القائمـه كــل ابيـهـا

رقمك مع (الصادر) ولا (وارد ) اسواك

والناس في اللي ( لـم يـرد عليهـا ).

وايــاك واياني…وايـانـي ايــاك

ومن غيبة (ن) من دون عذر يحميهـا …

_

نويت مرباع الغضي سيد الاحبـاب

قصدي يزول الجـرح زاد التهابـه

جيت وبقايل نارهم حـول الاطنـاب

بيت الشعر مطوي وباقـي زهابـه

اقفت ركايبهم ومنـي الهـدب ذاب

الدمـع يسـري والذهـل بالاجابـه

على غزير الدمع ضميت الاهـداب

صديت لين لين الدمع يقفي سحابـه

بعض الوجع يمكن تداويه الاعشـاب

وبعض الوجع يا ويل من هو سطا به

عشق بدوي لا حب ما هـو بكـذاب

يوفي ولو جرحـه تجـدد صوابـه

واليوم وصلت بيننا مثـل الاجنـاب

ذاك الغلا يـا ضيعتـه يـا سفابـه

باكر اذا جينا لهـم مثـل الاغـراب

من عقب ما كنـا الاهـل والقرابـه

الامـر لله كـل شـي لـه اسبـاب

ولا الهوى وش لي على ما اهتدى به

وشلون قلبي ما يجي اليوم منصـاب

على الكتم منقـوش بعـض الكتابـه

حتى اثر مشيه مع سهول وهضـاب

مر يجيـه ومـر مـا ينـدرى بـه

قلبي من الفرقا صويـب ومرتـاب

كنه غدى صوين من هول مـا بـه

حزني عليه انه تسبـب ولا طـاب

نظرة طبيبـه عجلـت فـي ذهابـه

ريح الخزامى والنفل زين الاطيـاب

يشدنـي ريـح السمـر فـي ثيابـه

لا اقبل نسيـم بـه خيـل وركـاب

وله في طلوع الشمس عز ومهابـه

ن1

_ هذي قصيده غزل بدوي وحضريه

الحضريه

قلنا سلام الله يا راعي الرعيه

وين الطريق اللي تودي للبلــــد

معنا غشيم ما عرف قيمة خويه

ضيعه بقفار ما فيها أحـــــــــد

البدوي

يا هلا ويا مرحبا بالنرجسيــــه

أقلطي فالدار دارك والولــــــد

ذيك خيمتنا ولا أنتي بالخليـــه

ولك أمان الله في يوم الأحــــد

الحضريه

ما لنا مجلاس يا رجل الحميه

مثلنا لا غــــاب لحظـــه يفتقـــد

غير ذالهندي عساه اليوم حيـه

لا عرف درب ولا هو اللي نشـد

البدوي

إن جلستوا مرحبا ضيوف عليـه

وإن تعذرتوا معك طير الســعـد

ما يجوز الغصب لك وأنتي بنيه

لكن العــوده ولازم مــن وعـــد

الحضريه

إن عطاني الله عمر ولي بقيه

لازم أرجع مع هلي لك يوم غــد

وإن تفارقنا تذكــرك المطيــــه

وجعل يخلفنا على ديارك رعــد

البدوي

ليتني هندي معك يا الغشـمريه

وإن ذالهندي في المفلا قعــــد

ليتني وياك نرعـــى بالرعيــــه

أو ليت قلبي خبل لا رحتي هجد

الحضريه

الله يخــليك مــا نــي ببدويـه

ما نقصني يا ولد هـــم ونكـــــد

دلنا على الخط دام الشمس حيــه

لا دنانا الليل ذالهندي رقد

البدوي

ذاك دربك من ورا ذيك الحويــــه

وأستري وجهك ولا تبديه أبــــد

وأن بغيتي تحطبي مالك لويـــه

أجعلي بيديك حبل من مســـــــد

ن1

بديت لي بأبيات شعرن جديدات = وفوق السطور أكتب بيوتن جدادي

أونست يا مشكاي بالصدر ضيقات = وأن قلت راح الضيق بالصدر زادي

طرا علي اللي عيونه وسيعات = اللي مشاركني بنومي و زادي

وماظني أنسا اللي رموشه ظليلات = وأنا ليا منه طرا وااااااهجادي

قضيت مع خلي ليالي جميلات = أنا مفادي وأهو مثلي مفادي

وأخذت أنا وياه بالحب سجات = في عشرتن ماهي بعشرة فسادي

لكن حدتني في زماني غيارات = وعيا يحقق لي زماني مرادي

حب ً وراه فراق مافيه لذات = مثل البياض اليا غشاه السوادي

وصحيح ماقال المثل والروايات = ماتعقب النيران كود الرمادي

وخلصت مالي بالمحبه هوايات = وزرعن زرعت أصرم وجاه الحصادي

ماهو صحيح الحب كذب وخرافات = أن كنت ماني يا اهل العلم غادي

الحب بدعه ما نزلت فيه الآيات = ولا قريناله حديثن وكادي

من بعد حبً دام خمسة سنوات = صارت نهاية حبنا شيعادي

ن1

انا بدوي والعين تنظر على فوق
صقر ومواقيعه بروس الجبالي

آيه بدوي لو قيل عايش مع النوق
ايه بدوي والنار تصلى دلالي

ايه بدوي ماأذل راسي لمخلوق
آخذ حقوقي بالرجوله لحالي

عشت البداوه والبداوه لها ذوق
فطرة الاه الكون باول وتالى

آيه بدوي والعز ماهو بمسروق
أصل المراجل بالوفا راس مالي

أيه بدوي لاصار لاحق وملحوق
يوم الحروب اللي بدم القتالي

أيه بدوي وأعيش عالي ومرموق
لي الشرف ياناس طول الليالي

ماعشت متغطرس ولاموت مخنوق
عمري قظيته بين مرن وحالي

حب الصحاري في الجسد دم وعروق
وقنص الحباري بالصقور الجزالي

تاريخنا مضمون ماهو بمبيوق
وافهم كلامي ياكريم السبالي

ايه بدوي والضيف عندي له حقوق
لو كان ماهو من سلالة خوالي

أحب وأغلي والحشأ فيه معشوق
وأنا على حبه منادي وصاالي

ألشوق ذابحني وأنا أصارع الشوق
لكن باعيش وصوت حزني شمالي

الوسوم
إغلاق
إغلاق