رمضان احلى مع احلى افكار 2019
نتيجة_رمضان
فتحوا مخكم معايا عشان دي مش مجرد نتيجةرمضان احلى احلى افكار biggrin.gif
دي نتيجة خير كلنا هناخد منها ثواب
اولا هتجيبي 30 ظرف او 31 ظرف
ثانيا هتجيبي الورق الملون بتاع الملاحظات او اي ورق عندك بس عشان يبقى ملون و يفتح النفس كدة
ثالثا تكتبي في كل ورقة :
1_ذكر معين تكوني بتحبيه
2_فكرة خير “هقولك امثلة لافكار الخير تحت”
3_حديث من احاديث حبيبنا الرسول صلى الله عليه و سلم
رابعا بقى تحطي كل ورق في الظرف بتاعها و تكتبي على كل ظرف الرقم بتاعه من 1 لحد 31
خامسا يا تعلقيها بالشكل ده
“”
و كل يوم في رمضان هتمسكي ظرف و تفتحيه و تقولي الذكر اللي فيه كذا مرة و تقري الحديث و تنفذي فكرة الخير اللي فيه
و افكار الخير ممكن تتضمن التصدق مش بس بالفلوس لا ممكن بأزازة ماية ساقعة وقت الفطار تديها لغلبان في الشارع او بسندوتش وقت السحور^
و من الافكار كمان انك تجمعي اخواتك و صغار عيلتك و تحكيلهم سيرة النبي صلى الله عليه و سلم او قصص الانبياء عمتا^
يعني ابدعي في افكار الخير و اجعليها زي التحدي و لازم تقومي بيه =)
“”
# ساعات_الصلاوات_الخمس
طبعا في مننا بينسى وقت الصلاة و ممكن من كتر ما انتي مشغولة في البيت مثلا متسمعيش الصلاة و تنسي تصليها في معادها :/
طب هقولك حاجة حلوة
احنا هنجيب 5 اطباق بلاستيك
و نعملها كانها ساعة و نكتب عليها الساعات 1 2 3 4 ……
و بالكرتون اعملي ساهمين بيشيروا لمعاد الصلاة
يعني ساعة لصلاة الضهر
و ساعة للعصر
و ساعة للمغرب
و هكذا
و بكدة كل ما تخشي اوضتك مش هتنسي اوقات الصلاة خالص
و مع تغير وقت الاذان حركي السهام و غيريها^
#مقبض_الباب_بيقول_انا_بصلي
مش فاهمين حاجة مش كدة
مين فينا مش بيزهق من ازعاج اخواتها الصغيرين و هى بتصلي التراويح
و الخبط على الباب كل شوية :/
و ميحلاش ليهم غير الزعيق و الخناق قدام اوضتك
و يستحسن تكتبيها عربي طبعا^
# مسابقة_مع_الاهل_و_الاصحاب
و الفكرة دي بقى لما تبقى برة البيت
عند اهلك مثلا او جيرانك
تقومي قيلالهم تعالوا نعمل مسابقة معلومات دينية
و تبقى مجهزة معاكي كان شيكولاتة على بونبوناية على مستيكة كدة^
و كل واحد يسأل سؤال و اللي يجاوب الاول يكسب
و بكدة هتعرفوا معلومات دينية اكتر مع بعض و هتديهم هدايا ببلاش