رسمت الشوق بحساسي
رسمت الشوق بحساسي
احس الدنيا بوجودك لها طعم ومشاعر غير
تجاري كل مد طاغي يفوق الوصف واحساسي
واعيش اسري وسط حلم بعيد عن دجى التفسير
يعانق جو انفاسي يزلزل في الهوى ساسي
على الخطوه رسمت الشوق من جامح هواك مسير
مزجت الحب واشواقي عطور تكسي انفاسي
معاني الحب اشريها وانثرها لعطاك عبير
وكل ماضاقت الدنياالاقي حبك الراسي
احبك كثر ما تعاند ولا يغريني عشق الغير
مدامه غايتي وصلك بسوم العمر واحساسي
على مهد الوفا ارقد واملك راحه التفكير
انا في سلمك وحربك جعلتك انت مقياسي
واذا منك رحلت انته تركت في داخلي تأثير
وانهي اخرسطوري واعلن حاله افلاسي
طلبتك ياهوى بالي تعال وحرر التعبير
واعلن ما خفى قلبك واجمع ظامي احساسي
على درب الوفا تلاقيني في هواك اسير
اضمك في خفى روحي وافارق العالم القاسي