رسالة إلى القمر !
رسالة إلى القمر !
السلام عليكم ورحمة الله وبركاته
اشلونكم تمام ؟
المهم رسالة القمر
قصائد عبدالكريم المهنا أو زيد رومـــــــــــــا مثل مايحب يسمي نفسة قصائد عادية
لا تختلف عن غيرها إلا باشياء بسيطة
تستطيع أن تقراء كلماته على أنها قصيدة في قمة الروعة
وتستطيع أن ترى كلماته على أنها لوحة لفنان تشكيلي عالمي
وتستطيع أن تدمع دعينك من كلماته بسهولة
وتستطيع أن تضحك منها بسهولة
كثيرون يطلقون عليه نزار الصغير
أما أنا فأطلق عليه نزار الكبير
اليوم حبيت أجيب لكم قصيدة بنوتية للشاعر عبدالكريم المهنا
إسم القصيدة
رســــــــــالة إلى القمر …
حبيبي…
مشتاقتك
والشوق موت
وأخاف أموت ومارويت …!!
ظميانتك
شف شِفتي الحلوة يبست
وجفت ينابيع العسل …!!
ولهانتك
معاد فيني أنتظر
حاولت لكن ماقويت …!!
حاول تحس
حاول تفهم حالتي
” بنت عشقت ” …. !!
تدري إذا البنت عشقت وش ممكن يصير …؟!
يووووووه لوتدري وش عشق البنات ….
موت … وحياة ….!!
وأشياء ابد ماتنوصف …!!
تبي تعرف البنت إذا دشت هوى …؟!
تنثر لها دمعة …حلوووووه تشبه لحباة المطر …
بس دافية حيل …!!
وتشري لها شمعة …لونها وردي …
وتفرح إذاهي تحترق …!!
وتجلس بغرفتها كثير …. تصحى وتنام ….!!
ودايم كسل …
وتضحك شوي … وتبكي شوي …!!
وتقول احياناً كلام هي نفسها ” ماتفهمة ” …!!
وتغير العطر القديم …
وتكره ملابسها القديمة …!!
وتشري لها دفتر جديد
وتكتب عليه …. بعض الطلاسم … والحروف
والباقي كله شخبطة …!!
وتموت باليمون … والشاهي الخفيف ….
وتقراء شعر …. كله غزل
وتقول يووووووووووووه …!!
الله على عشق البنات …
يحليلهم ….
مرة يحبون الهوى …
وإذا دخلوه ضاعوا ولادلوا طريق ….!!
إمشيء على شط الهوى … وشوف البنات
هذيك غرقانه
وهذي تصيح
والثالثة تمشيء وتطيح
وبحر الهوى ملعون مايرحم احد ….!!
يموت في قتل البنات
عرفت وش عشق البنات…؟!!
أعرف انا وحدة عشقت … وبغت من الفرحة تطير ….
فديتها كانت صغيرة حيل ….
واللي تحب بعد صغير …!!
وتواعدوا … وتعاهدوا ….
وبنوا من الفرحة خيااااال
واختاروا اسماء العيال …
ومشى العمر وهم سوى يبنون احلام وامل ….
وفجاءة صحوا من حلمهم ….
يقول أُمي مارضت …
ويقول صعب اتزوجك …
يمكن عرفتي غيري رجالٍ كثير ….!!
حتى إتهمها بالخيانة …
معقولة العاشق يخون …؟!
وعشقٍ مضى بلحظة يهون…؟!
بكت … بكت … بكت ….!!
إلين دمعتها يبست …
من جد ماعنده ضمير …!!
حبيبي …!!
تدري بشيء…؟!
انا بصراحة خايفة …
اخاف يوم تتركني على جال الطريق …
وترحل بعيد … وتصبح مثل باقي الرجال …
ماتفهم قلوب البنات …
تدري اش يصير …؟!
والله لموت من القهر …
وابكي على معنى الهوى …
وآخذ عزى كل البنات ….!!
وأكتب رساله للقمر …
واقوله
” لاتنخدع من الرجال مهما وصفوك …
ومهما تغنوا في بهاك …
باكر يخلونك تموت من القهر ….
مثل البنات … ”