رد على قصيدة الأم

رد على قصيدة الأم

يمه منتهي جيتك وطالب منك الغفران ***** أقبل قاعة اقدامك واقبلها بدمعاتي يايمه كل ما فيني ينادي لك أنا ندمان ***** طلبتك قولي سامحتك وردي لوجهي بسماتي أنا ادري قلبك الطيب كسرته بصدمة النسيان ***** غلطت وغلطتي هذي تعير كل غلطاتي تشوفين الشيب يايمه ترا ما جاء وأنا فرحان ***** وربك اللي رفع ذاتك ونزل للردى ذاتي فقدت الراحة من بعدك فقدت الطيبة والحنان ***** بدونك راحتي غاية بيديك هذي راحاتي أنا بعدك ولاحاجه أنا بعدك ترا عميان ***** أشوف ولا أشوف اللي يوريني مساراتي أنا وسيد الشقى والهم من بعدك غدينا أخوان ***** يجيب هموم هالعالم ويرميها بمتاهاتي صدقتي يوم قلتلي تدين اليوم بس تندان ***** رميتك في بداياتي ورموني في نهاياتي أنا من شالك بأيده ورماك بأسفل البركان ***** نخيتيني وطلبتيني ولا حصلتي نخواتي مثل ماانهنتي بعيوني00قلبي أنا يايمه انهان ***** رموني وطعتهم فزعه وأنا الدمعات فزعاتي يايمه لا تظنين أنا من فعلهم زعلان ***** سواتي فيك اكبر من زعلاتي يالله يايمه ضميني ودفيني بالأحضان ***** أنا ادري فيك مشتاقة وهمك بس ملاقاتي يايمه حيل ضميني أبى ارتاح أنا تعبان ***** تعبت اهرب من ذنوبي ابسافر مسافاتي ابسمع منك أي كلمه لصوتك مسمعي ولهان ***** ابسمع يمه من صوتك ابذكر فيها نشواتي أشوفك ساكتة يمه غفيتي وألا أنا غلطان ***** غفيتي يا بعد عمري تعبتي من مواساتي يايمه طلبتك قومي إذا لي بعيونك شان ***** أشوف الموت بعيونك عساها تخيب هقواتي تعالوا يا بشر شوفوا أنا محتار أنا غلبان ***** أنا أمي مدري وش فيها أنا مدري أنا احاتي شنو00شنو أمي أنا ماتت لا00لا ترا غلطان ***** أنا أمي ما تخليني على حزني ووناتي أنا أمي قلبها طيب ولايمكن تبكي إنسان ***** أنا أمي ما تبكيني ولا تتمنى آهاتي يايمه صح مامتي صح الموت بعد ماحان *****إذا متي أنا بعدك ابقضي وين ساعاتي يايمه قومي يايمه قولي الموت لاما كان ***** أنا جيتك وأنا ناوي اببني فيك جناتي تركتيني ومتي ليه تركتيني وأنا غرقان ***** ولا مسموح يا وليدي ولاتلعنك لعناتي أنا الجاني وأنا المجني وأنا المخطي والندمان **** وأنا بيدي رميتك وبعثرتها ملفاتي[/align][/size]

الوسوم
إغلاق
إغلاق