ده زمن يوم مايصدق .. كداب

ده ان شاء الله اول بوست ليا على عذب الكلام و ان شاء الله تعجبكوا و هي حاجة من الشعر العامي للعبقري عبد الرحمن الابنودي..انا بصراحة الاول مكنتش بحب الشعر العامي كنت بفضل الفصحى على اساس كلامه العربي بيكون العربي فعلا كما انزل لكن بصراحة حبيت العامي من بعد ما قرأت لبعض الشعراء و طبعا على راسهم عبد الرحمن الابنودي…اما عن القصيدة يه بئى فاسمها يامنه و اللي يقصد بيها تقريبا جدته وكان راح يزوها و كنت سمعتها من الابنودي نفسه بعد ما القاها في برنامج تلفزيوني و اعجبت بيها جدا جدا بسبب كلام يامنه و نظرتها للدنيا عامله ازاي و مدى صدقها (هتفهموا لما تقروا القصيدة) المهم و دوخت بعد كدا اني الاقي تسجيل صوتي للقصيدة بصوت الابنودي لكن ملقتش للاسف المهم..طيب علشان مطولش عليكوا اسيبكوا مع القصيدة اللي بجد اتحفتني و ما بزهقش من قرايتها و اللي هيا بتقول

يامنه والله وشبت يا عبد الرُّحمانعجّزت يا واد .؟مُسْرَعْ؟ميتى وكيف؟عاد اللي يعجّز في بلادهغير اللي يعجز ضيف.!!هلكوك النسوان؟شفتك مرة في التلفزيونومرة .. وروني صورتك في الجورنانقلت : كبر عبد الرحمان.!!أمال انا على كده مت بقى لي ميت حول.!!والله خايفة يا وليدي القعدة لتطولمات الشيخ محمودوماتت فاطنة ابْ قنديلواتباع كرم ابْ غبّانوانا لسة حية وباين حاحيا كمان وكمان.عشت كتيرعشت لحد ماشفتك عجّزت يا عبد الرحمانوقالولي قال خَلَّفتوانت عجوز خلَّفت يا اخوي؟؟وبنات..!!؟أمال كنت بتعمل إيهطيلة العمر اللي فات؟دلوقت مافقت؟وجايبهم دِلْوكْ تعمل بيهم إيه؟على كلٍّ..أهي ريحة من ريحتك ع الأرضيونسُّوا بعضماشي يا عبد الرحمانأهو عشنا وطلنا منك بصة وشمةدلوك بس ما فكرت ف يامنة وقلت: يا عمة؟؟حبيبي انت يا عبد الرحمانوالله حبيبي .. وتتحبعلى قد ماسارقاك الغربةلكن ليك قلبمش زي ولاد الكلباللي نسيونا زمان

حلوة مرتك وعويْلاتكوالاّ شبهنا..؟سميتهم إيه؟قالولي : آية ونور.ماعارفشي تجيب لك حتة واد؟والاّ أقولك :يعني اللي جبناهم..نفعونا في الدنيا بإيه؟غيرشي الانسان مغرور.!!
ولسه يامنة حاتعيش وحاتلبسلمّا جايب لي قطيفة وكستور؟كنت اديتهمني فلوساشتري للركبه دهانآ..با..ي ما مجلّع قوي يا عبد الرحمان.
طب ده انا ليّا ستّ سنينمزروعة في ظهر البابلم طلّوا علينا أحبة ولا أغراب.خليهم..ينفعواأعملهم أكفان.!!

كرمش وشيفاكر يامنة وفاكر الوش؟إوعى تصدقها الدنيا..غش ف غش.!!إذا جاك الموت يا وليديموت على طولاللي اتخطفوا فضلوا أحبابصاحيين في القلبكإن ماحدش غابواللي ماتوا حتة حتةونشفوا وهم حيينحتى سلامو عليكم مش بتعديمن بره الأعتاب

أول مايجيك الموت .. افتحأو ماينادي عليك .. إجلحإنت الكسبانإوعى تحسبها حساب.!!بلا واد .. بلا بت..ده زمن يوم مايصدق .. كداب.!!سيبها لهم بالحال والمال وانفدإوعى تبص وراك

الورث ترابوحيطان الأيام طينوعيالك بيك مش بيك عايشين..!!

يو…..ه يا رمان..مشوار طولانواللي يطوِّله يوم عن يومه يا حبيبي .. حمارالدوا عاوزاه لوجيعة الركبةمش لطوالة العمر
إوعى تصدق ألوانها صفر وحمر

مش كنت جميلة يا واد؟مش كنت وكنتوجَدَعَة تخاف مني الرجال ..؟لكن فين شفتوني ..؟كنتوا عيال.!!

بناتي رضية ونجية ماتوا وراحوا

وأنا اللي قعدت.طيِّب يا زمان..!!
إوعى تعيش يوم واحد بعد عيالكإوعى يا عبد الرحمان

في الدنيا أوجاع وهموم أشكال والوان

الناس مابتعرفهاش

أوعرهم لو حتعيش

بعد عيالك ماتموت

ساعتها بس ..

حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات

كنت مخالف..

برّاوي..

وكنت مخبي في عينيك السحراوي

تمللي حاجات

زي الحداية ..

تخوي ع الحاجة .. وتطير

من صغرك بضوافر واعرة .. ومناقير

بس ماكنتش كداب.

وآديني استنيت في الدنيا

لما شعرك شاب..!!

قِدِم البيت.

اتهدت قبله بيوت وبيوت.

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي .؟؟

حاجي ياعمة وجيت

لا لقيت يامنة ولا البيت

عبد الرحمن الابنودي