خذاني الشوق

خذاني الشوق ..

.
.

البارحه خذاني الشوق وامسيت
ساهر وأداعب للقمر في سماته .
. بدر(ن) صفالي وأعتراني وعليت
سماه واسبح فيه وارشف حلاته .
. يطوف بي نهر المحبه ولبيت
نبضه.. أحاسيسه.. شعوره.. وذاته .
. لين انغمست بوسط حبه وحبيت
أجمل أحاسيسه.. واحلا صفاته .
. فديت نبضه من يلبي وانا جيت
والشوق بي يجتاحني بمنياته .
. عطاني اشواقه وانا فضت واعطيت
احساس لملمني وجمع فتاته .
. سريت به ليلي ولا منه مليت
في كل لحظه معه تكبر غلاته .
. طاغي جماله نور وجهه كما الليت
ونظرات عينه داخل القلب فاته .
. عين المها تذبح فؤادي وياليت
ترحم مولعها وترثي مماته .
. آسيرها لا حي منها ولا ميت
حيه بدمه وعايشه في شفاته .
. أموت بك يامن ل كلي استحليت
هزيت نبضي وأرتخى بي ثباته .
. لو رحت ادور بالوسيعه ولفيت
ماله شبيه ولا وجد حد شراته .
. ولو مر وقت أنساه به او تناسيت
لي روح تتركني بلحظه وجاته .