حبيت بس اخبرك؟؟؟

حبيت بس اخبرك؟؟؟

——————————————————————————–

حبيت بس أخبرك ..

لا صرت حاب غيري..

حبيت بس أذكرك ..

إن القلوب ماهي القلوب اللي على خبرك ..

وإن النفوس صارت وحوش تخدع بها عمرك..

حبيت بس أذكرك..

إن الهوى ماهو الهوى اللي على خبرك..

وإن النظر يرمي بسهم يجرح بها قلبك..

اللي نخيته ناوي عدمك ..
واللي حبيته بينهي حكاية حبك..

شوف أحبابك باعوك.. وخلانك خلوك ..
واهلك نسوك .. وكل اللي حولك تركوك ..

حبيت بس أذكرك..

إن الدنيا تغيرت .. إن الدنيا كبرت ونستك ..

إن الدنيا همها بس تعاستك .. وهمّك ..

وحبيت بس أخبرك..

إن حبيبك ناوي تركك..

تذكر حبيبك اللي قسيت عليه .. وجفيت ..!

تذكر حبيبك اللي هلت دموعه يطلب رضاك ..!

تذكر حبيبك اللي ذل نفسه لجل يرضي سماك..!

هذا هو .. هو أنا .. نفسي أنا ..!

حبيت بس أخبرك..

إني أنا .. أنا هو .. صرت زمان فات .. زمان راح..
وراحت أيامه ..
راحت سنينه .. وراح معها عذابه ..

هذا أنا .. ذاك الحبيب .. ذاك الرفيق .. ذاك الخليل ..

اللي لاجفاك الزمن صرت عنده .. تطلب رضاه ..

ونفسي أنا .. اللي لا صفت لك أيامك نسيته ..

جفيته .. تركته .. والزمن ضده ..

حبيت بس أخبرك ..

مثل ما قلبك يتغير مرااات .. ومرااات ..

أنا لي قلب ..

لاحب .. حب ..

ولا عشق .. عشق ..

وحبيت بس أخبرك ..

إن قلبي نفسه ..

لاصد .. صد ..

وقلبي صد …!!