جوزك متعلق بأمه تعالي اقولك اعملي ايه 2019,ازاي تجذبي جوزك اللي عنده ميول لوالدته اكثر

تعلق الزوج بأمه في حد ذاته مش عيب، وطبيعي جدا إن الإنسان يكون عنده ولاء للست اللي ربته وسهرت عليه وإلا يبقى جاحد ويتخاف منه. لكن فيه درجات من التعلق بتكون مرضية وبتؤثر على تأدية الزوج لمهامه الزوجية وكمان لولائه للزوجة. ممكن يكون إرتباط زوجك بأمه عجبك أيام الخطوبة وشوفتيه على إنه “بر بالوالدين” وممكن كمان تكوني حبيتي حماتك وهي حبتك، ولكن بعد الزواج بتكتشفي إنها بتغير منك وعاوزة تنافسك وحاسة إنك سرقتي إبنها منها على غرار المثل اللي بيقول “ربي يا خايبة للغايبة”.
جوزك متعلق بأمه تعالي اقولك اعملي 3dlat.net_04_17_ce3f
المفروض بعد الزواج إن ولاء الزوج يتحول من بيت الأم للزوجة، وعشان تساعدي زوجك في تحقيق ده لازم تكوني هادية جدا وتفكري في الكلام الجاي:

حطي نفسك مكانه
ممكن جدا زوجك يكون حاسس إنه محاصر.. البحر من أمامكم والصحراء من خلفكم.. يعني كل ما هايرضيكي هايحس إنه بيخون والدته ويزعل جدا لو تصرفاته اللطيفة معاكي أزعجت والدته ويحس إنه عمل خطأ شنيع وفاحش. ماننصحكيش هنا بإنك تبدأي تسني السكاكين وتنتقديه وتوصفيه بالجبن وبإنه إبن أمه إلخ.. إحتفظي بأفكارك دي لنفسك وأشرحيله إن من الطبيعي إن والدته تنزعج لإنها لسه محتاجة وقت عشان تستوعب إنه بقى زوج ومسؤول عن بيت تاني.

إتكلمي
ماتكتميش مشاعرك وصارحي زوجك بحقيقة مشاعرك بطريقة لطيفة وبصوت واطي.. قولي له مثلا إنك بتضايقي لما تلاقي والدته عارفة حاجات خصوصية عنكم.. وإنك مثلا بتحسي بعدم دعمه ليكي لما يسمع لآراء أمه السيئة فيكي بدون ما يدافع عنك.. إلخ وإشكريه لما يدافع عنك أو يعمل معاكي موقف جدعنة.

إجذبيه ليكي
شوفي إيه الصفات السيئة في حماتك وكوني عكسها تماما.. يعني لو هي متسلطة وعنيفة خليكي لطيفة وحسسي زوجك إنه صاحب الكلمة الأولى والأخيرة وكبريه بينكم وقدام الناس.. ولو هي بتزن عليه كتير خليكي خفيفة وإطلبي منه اللي إنتي عاوزاه بدلع ولطف.. هو هيلاحظ الفرق وهتلاقيه منجذب ليكي لاإراديا كده.. ده حتى المثل بيقول “كل واحد ينام على الجنب اللي يريحه”.. ولا إيه؟

خليه أولوية في حياتك
لو عاوزة زوجك يخليكي صاحبة الأولوية في حياته، إنتي كمان لازم تخليه أولوية في حياتك.. يعني لو فيه خلاف بين رأي والدك ووالدتك وبين رأيه، إنحازي له وهو هايقدر ده جدا وهايردهالك.

وأخيرا.. ماتخليش حاجة خارجية تعكر عليكي صفو علاقتك الزوجية.. إصبري وإتصرفي بحكمة وكل حاجة حلوة هاتيجي بعد كده..

الوسوم
إغلاق
إغلاق