جربى تحبى جوزك شويه 2019

دي نصايحي لكل زوجة خايفة حب جوزها يقل بعد الجواز خايفة يعرف واحدة عليها عايزة تعيش سعيدة دي نصايحي لكل زوجة جديدة او زوجة من زمان عايزة جوزها يعاملها كملكة جربي

انوي نية خالصة لله انك عا يزة تعيشي سعيدة وعايزة تسعدي جوزك اه والله ما هي الحاجات دي بالنيه

1جربتي تصحي قبل جوزك من النوم تسرحي شعرك وتغسلي وشك وبدل ما تزعقي وتهزي جوزك جامد او تنادي بصوت عالي تحضنيه وتبوسيه وتناديه باسم دلعه وتعملي مساج لعضلات رجله وظهره لغاية ما يصحي

2 جربتي الصبح تصحي تحضري البانيو بتاعه وتحطي فووم اوصابون واول ما يستحمي تدخلي تغسلي ظهره وتلبسيه البرنس

3 جربتي الصبح تحضريله شراب واندروير نضاف تسيبيه يلبس وتحضري الفطار وتكلمي معاه وتهزري عشان يخرج مبسوط وتدعيله بالرزق والستر وهو خارج من البيت

4 جربتي قبل ما ييجي ترشي اوضته بمعطر الجو وتفتحي التكييف او المروحة في الحر عشان ييجي يلاقي البيت مش حر زي الشارع وتستقبليه بابتسامة حلوة

5 جربتي يكون جاي مضايق من الشغل وعصبي وبيتلكك علي الكلمة بدل ما تتخانقي معاه او حتي تخدي جنب ومتكليمهوش تاخدي راسه في حضنك وتسيبيه يفضفض ويطلع اللي جواه

6 جربتي تعملي الاكلة اللي بيحبها حتي لو انتي مش بتحبيها

7 جربتي مهما كان اهله مضايقينك متفكرهوش كل شوية باللي عملوه واللي هيعملوه

8 جربتي تفتحي اخبار الرياضة وتقراي عن جون سينا وابو تريكة عشان يكلم معاكي ويبطل سكوته الدائم

9 جربتي تلعبي معاه بلاي ستيشن او طاوله او دومينو او اي لعبة بيحب يلعبها عشان تشغلي وقته وميبقاش عنده وقت فراغ

10جربتي اول ما تكوني مع جوزك في وقت ظريف ومفتحتيش موضوع يضايقه او تعليق ميعجبهوش وتكوني معاه بقلبك وعقلك مش بجسمك بس وتقولي له كل كلام الحب اللي في قلبك ناحيته من غير كسوف

11جربتي تسامحيه لو غلط في حقك ومخلتيش بينكم خصام وانك لازم تباتوا متصالحين بصرف النظر عن مين اللي غلط ومين اللي ظالم ومين اللي مظلوم:

12 جربتي تكون لجوزك الاولوية في حياتك قبل اي حد حتي عيالك او اهلك ومتفهميش ان حبك ليه واهتمامك بيه ضعف منك او دلع زايد ممكن يبوظه:

لو مجربتيش الحاجات دي جربي بس افتكري حديث الرسول عليه الصلاة والسلام( احب الاعمال الي الله ادومها وان قل)

يعني لاعبيه بلاي ستيشن مرة في الاسبوع اعمليله مساج مرة بالاسبوع احسن ماتعملي حاجات كتير في اسبوع واسابيع تسيبيه من غير اهتمام وساعتها هيقولك انتي مقصرة

حبي جوزك واخلصي له وعمرك ما تفكري ان اهتمامك بيه معاملتك الطيبه ليه ضعف منك او حاجة تخليكي اقل منك