جاني وانا في وسط ربعي وناسـي
جاني وانا في وسط ربعي وناسـي
جاني نشلني مثل ما ينشل النـاس
مني نشـل روح تشيـل المآسـي
تشكي من ايام الشقى تشكي الياس
اثر الالم في سكره المـوت قاسـي
ماهالني مثله وانا انسان حسـاس
جابوا كفن ابيض مقاسـه مقاسـي
ولفوا به الجسم المحنط مع الراس
وشالوني اربع بالنعـش ومتواسـي
عليه ومغطى على جسمي البـاس
وصلوا علي وكلهـم فـي مآسـي
ربعي ومعهم ناس من كل الاجناس
ياكيف سـوا عقبنـا تـاج راسـي
وامي الحبيبه وش سوى بها الياس
اسمع صدى صوت يهـز الرواسـي
قولولهـا لاتطلـم الخـد يانـاس
قولولهـا حـق وتجرعـت كاسـي
لاتحترق كل يبي يجـرع الكـاس
اصبحت في قبري ولابـه مواسـي
واسمع قريع نعولهم يوم تنـداس
من يوم قفوا حـل موثـق لباسـي
وعلى رد الروح صوت بالاجراس
هيكل غريب وقـال ليـه التناسـي
صوته رهيب وخلفه اثنين حـراس
وقف وقال ان كنت يانمـر ناسـي
هاذي هي اعمالك تقـدم بكـراس
ومن هول ماشفته وقف شعر راسي
وانهارت اعصابي ولاارد الانفـاس
ياليتنـي فكـرت قبـل انغمـاسـي
بالغفله اللي منتهاهـا للافـلاس
وفزيت من نومي على صوت ناسي
واصرخ واقول الموت وأحذر الناس