تــــذكـــر إنـــــي إنــســانــهــ

تــــذكـــر إنـــــي إنــســانــهــ

انا مثل الورق حالي الى من فارق اغصانه
يطيح بارض مايلبث هبوب الريح يخطـــفها

يبعثرها هنا وهناك غريبن فاقد اوطانـه
فلا غصن يلم اشتاتها لارض تعرفـــــــها

انا طيري هجر عشه فرد بالكون جنــحانه
نصا ارض رفعها الله على الدنيا وزخرفـها

ياليته يدري بحالي عن الخافق عن احزانه
عن احلام في بحر حبه شديد الموج جارفها

حبيبي أعذر احساسي تذكر اني إنسانـــة
قوية دامها جنبك وبعدك ميل يضعفــــها

مقالات ذات صلة

انا الهجران ماطيقه وموت القلب هجرانه
دموع سقتها لاجلك عيون الحب تذرفــــها

شربت الحب من كاسك رويت انفاس عطشانه
نقشت بداخلي حروفك تبيني اليوم احذفها

قرارك زاد من قدرك وانا ما اقول ندمانه
وقرار الروح ترحل لك ولو ماكنت شايفها

انا باابقى الغلا دايم وغلاك اليوم ولهانه
عجز كل القصيد اليوم عن حالي يوصـــفها

مقالات ذات صلة

زر الذهاب إلى الأعلى