تعرفى ليه القسم اسمه ” فتيات تحت العشرين” 2019

أنا عايزة أكلمكم فى موضوع، زى ما مكتوب فى العنوان كده
تعرفى ليه سموا القسم “فتيات تحت العشرين
تعرفى ليه الفتيات تحديدا؟
عارفه إنعشان إنتى المفروض تنتمى للزهرات يكون ليكى واجبات معينه؟

بصى يا قمرآيه، أكيد طبعا سبب تسمية فتيات تحت العشرين ليه معنى أو دلالة يعنى
أنا هقولك، لأن أولا إنتى بنوتة فبيشبهوكى بالوردة أو الزهرة
ولأن الزهرة دى هى اللى بتتفتح وتطلع الثمرة اللى هى فيما بعد بتكون المنتج يعنى

طب إيه اللى أنا بقوله ده؟

بصى، إنتى لسة صغيرة فى عمر الزهور
يعنى إنتى اللى لما تكبرى فيما بعد هتفيدى مجتمعك وبلدك
وإنتى برضه اللى ان شاء الله لما تتخرجى من الجامعه هتشتغلى وتفيدى بلدك
ولو مشتغلتيش هتكونى إن شاء الله أم وتربى أولادك على التدين والأخلاق
وهنـا أنا كنت أقصد “الثمرة أو المنتج”

طيب إنتى أكيد عشان زهرة ليكى واجبات ، يعنى مش عايشة كده وخلاص
أولا إنتى لازم تعبدى ربنا وتقيمى كل الطاعات عشان تقربى من ربنا أكتر
وطبعا لازم بر الوالدين ، طبعا ده شئ أساسى
وأكيد لازم تقومى بالفروض المطلوبة منك وهى التركيز فى مذاكرتك
عشان فيما بعد إن شاء الله تكونى إمرأة صالحة فى المجتمع : )

وأكيد بما إنك زهرة لااازم تعيشى سنك
وتعيشى سنك دى أكيد ليها معانى كتيير
يعنى تعيشى طفولتك ، متفكريش فى حاجات أكبر من سنك
تهتمى بالمطلوب منك ومتصطنيعيش شخصية عشان تبانى إنك كبرتى
أكيد إنتى بتكبرى يعنى، وده بتثبتيه من حسن تصرفاتك وأخلاقك قدام كل الناس
أهم حاجة تعيشى سنك ده، لأن كل سن وليه حلاوته
وأعتقد إن السن ده أجمل سنين عمرك

إفتكرى دايما إن كل حاجة هتعمليها وإنتى صغيرة أكيد هيبقى ليها أثر عليكى وإنتى كبيرة
فخلى سلوكك وأحلاقك حسنة وفى نفس الوقت خليكى على طبيعتك : )