تعالي وألبسي تاجك ، دة حتي هيجمل حياتك 2019

السلام عليكم ورحمه الله وبركاتة
ازيكم يا قمرات عاملين اية وحشتووني
هدخل فالموضوع علطول ومش هطول عليكم
♡ ” تعالي وألبسي تاجك ، دة حتي هيجمل حياتك ” ♡
انا لاحظت الأيام الي فاتت ان فيه بنوتات كتيرة محتارة تتحجب ولا لأ
او تلبسي جيب ولا لأ ، فا أنا قولت أساعدكم وعملكم موضعين في موضوع
يعني اية ؟! يعني موضوعي دة هيكون عن الحجاب وعن لبس الجيب
اولاً :- البنوتات الي محتارة تتحجب ولا لأ
بصي يا قمر أنتي المفروض مدام كبرتي ” بلغتي يعني ” يبقي انتي بتتحاسبي علي كل حاجة
وأولها الحجاب ، وكمان الحجاب هيجمل شكلك ويخليكي حلوة لأنك عملتي حاجة ترضي ربنا بيها
فا ربنا هيساعدك وهيخليكي تلاقي لبس واسع وحلو .
ثانياً :- كلام الناس !
بصي انتي مالكيش دعوة بكلام الناس الي تقولك انتي لسه صغيرة والي تقولك شكلك وحش مالكيش دعوة بيهم
دول بيبقوا متغاظين منك علشان انتي احلي منهم بالحجاب واوعى تقلعي الحجاب لما حد يقولك كدة
حتي انتي هتلاحظي انك بقيتي حلوة واجمل من الأول لأنك اتحجبتي .
تاجك هو حجابك يا زهرة وماتفكريش فى يوم من الأيام تقلعي التاج دة .
ثالثاً :- اللبس !
في بنوتات كتيرة محتارة بردة تلبس جيب ولا لأ دي نصيحة مني ليكي وانتي حرة
انتي لو كلبوظة شوية اللبس الواسع هيبقي احلي عليكي وكمان علشان مايبينش تفاصيل جسمك
فالأحسن تلبسي جيب او فساتين .
انا رفيعة والعيد الصغير دة ان شاء الله
هكمل سنة يعني هيبقي بقالي سنة متحجبة والحمد لله
بس دلوقتي بقيت البس جيب وهلبسها علطول ان شاء الله .
رابعاً :- لبسك قدام قرايبك !
الاول بس كدة يازهرات عاوزة اعرفكوا الحجاب المفروض يتقلع ادام مين .. الستات طبعا دة اكيد .. باباكى .. اخواتك .. خلانك .. اعمامك .. اخوال واعمام باباكى ومامتك .. جدودك .. اخواتك فى الرضاعة اى حد غير كدة ممنوووع !!! يعنى كل قرايبك الولاد هتقعدى ادامهم بحجاب هتلاقى الى بينتقدك ويقول احنا زى اخواتك ومش عرفة ايه .. خليكى ثابته على موقفك انتى قوية وخدى كل التريقة ببروووود ومتحطيش فى دماغك انتى مسئولة عن نفسك وكبيرة وبتعملى كدة علشان ربنا فربنا اكيد هيقوكى ..
♡ ” تعالي وألبسي تاجك ، دة حتي هيجمل حياتك ” ♡

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق