تعالي بس وخدي ثواب 2019

طبعاًأغلبكم يعرف إعلان (لو ده جنان اتجنن) بتاع كوكاكولا صح ؟ عجبني الإعلان ده اوووى و فكرت فوووكيرة كده ما احنا كمان نتجنن بس نتجنن في الخير .. يعني جنان ناخد عليه ثواب فهمتوني يا زوزات ؟ عايزة بقى الموضوع ده يتفجر ردود و تقييمات عشان فعلا هبتدي العض
و العنف و انا مبحبش كده .. هجبلكم أفكاااار كتييير للجنان في الخير .. يلا ننطلق و هو فيه برضه جنان أحلى من جنان الخيير ؟ كان نفسي أجيب صور مع الأفكار بس للآسف في مشكلة عندي في رفع الصور .. يلا استعدوا و اربطوا الأحزمة .. واحد – اثنين – ثلاثة ..
1- أول فكرة لجنان الخير هي : اتصلي على كل أصحابك قبل الفجر بساعة اعمل حالة طوارئ ويواويوا و ذكريهم بقيام الليل و صحي كل اللى ناسم في البيت و صلوا جماعة .. تخيلي بقى الأجر و الثواب اللى هتخديه على كل حد فكرتي بقيام الليل .
2- تاني فكرة بقى هي : و انتى راجعة من المدرسة مثلاً عدي على المكتبة كدهون و اشتري بوسترات أو نوتات فيها أذكار و انتى في المواصلات كل بنوتة تقعد جنبك تديلها البوستر ده بابتسامة حلووة و اسلوب مهذب ها ؟ متخليش البنت تفتكر انك مديالها حاجة وحشة و لا حاجة
3- ندخل على الثالثة بقى ألا و هي : هي عايزة حد مجنون شووية بس عاادي يعني احنا نتجنن مفيش مشكلة انك
توزعي و انتى ماشية بونبون و مثلا تكون لازقة عليه ورقة صغنتوتة كده مكتوب عليها مثلاً ( ممكن تستغفر) و كده يعني .. و لو هتتكسفي توزعي في الشارع ممكن توزعي في المدرسة أو فصلك مثلاً .. جنان ده و لا مش جنان يا متعلمين يا بتوع المدارس ؟
4- رابع فككرة بقـى
هي مجنونة شويتين عـآرفين العمـآرةة بتـآعتكـم !
أيوآ هي دي ووإنتو نـآزلين إلزقو على أبوآب الشقق كلها ورقة تكون مقصوصة بشكل جمييل كده
وفيهـآ أذكـآر متنووعة ,,, بس إووعو حد يشوفكـو هـآ :
5-لفككرة الخامسة
ممكن نوززززززززززززع ورق عليه أذكـآر ونكتب فييه :
( عشان أنـآ بحبك عايز ميزاننا يتقل مع بعض ما تيجي نقوول : …… ما تخيلهاش تقف عندك اديها لحد بتحبوو )

6- الفكرة السادسة بقى يا زوزاتي هي :
اعملي إنتى و عيلتك مسابقات للى هيستغفر مثلاً أكتر أو اللى هيتصدق أكتر أو كده يعني إنتى و إبداعاتك بقى يا زهورتي ..
7- سابع فكرة بقى و هي القبل الأخيرة :عملي صندوووق كبير في البيت واتفقي مع اخواتك اتفاق صغنن ..

كل ما نغتاب حد او نغلط في حد بقصد او بدون قصد نحط فيه مبلغ معين
ونستغفر للشخص ده ..

وفي اخر كل شهر نجمع المغلب ونوديه لديار ايتام او اي وقف خيري عشان يكون صدقة جارية لينا ..

اهو منها نخفف غيبة ونكفر عن ذنبها ومنها نكسب صدقة جارية .. مش كده و لا إيه يا عدولات ؟
يلا بقى عايزة إنفجار ردود و تقييمات يلا عايزين نثبت الموضوع في القسم عشان الكل يستفاد و نتجنن مع بعض يلااا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى