تضحك لنا الدنيا…

احب ان اقدم لكم هذه القصيده الجميله والمحزنه فى نفس الوقت

اضحك وجامل بس ماني بمسـرور

اضحك ونفسـى يعلـم الله خفاهـا

اجامل الخاطر ولو كـان مكسـور

ولا ودى ان الروح يبطـي شقاهـا

مخلوق لى عينين وحساس وشعور

وعقل يعرف الطايره فـى سماهـا

وانا مثـل مـن راح يـم دكتـور

يبي دواء عينـه وسبـب عماهـا

اربع شهور وكثرها اربـع شهـور

وانـا عيونـي نومهـا مهنـاهـا

نوب تضيق النفس من شى مخبور

ونوب يجيها ضيقهـا مـن بلاهـا

ولا يستضيق صدرن مايجيه حاشور

ولا يحس بالجمره سوء من وطاها

تضحـك لنـا الدنيـا وتلـف ودور

ننسى مرارتهـا ونشـرب حلاهـا

بس الحضيض اللى معافا ومستور

ولا يهتـم بالدنيـا وفيهـا بناهـا

ونهاية الانسـان بالقبـر مقبـور

يموت ابن ادم وحاجتـه ماقضاهـا

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق