تصرفاتك مع صديقاتكـ، تعلمى كيف تتصرفين مع أصدقائك،تصرفات يجب عليك اتباعها 2019

ازيكم ياعدولاتى يا حبايب هارتى عاملين ايه؟؟؟؟؟
بصوا بقى اكيد كل واحده مننا ليها اصدقاء كتير او قليل عادى برضوا
المهم يعنى عمرك ما فكرتى صاحبتك دى هاتنفعك وهاتبقى سمعتك معاها حلوه
ولا هاتضرك وهاتخلى الناس تفكرك مش كويسه
بصوا يا بنات انا الميس بتاعتى كانت دايما بتقولنا ان الصديق مراه صديقه
يعنى ايه يا بت ؟؟؟؟؟؟
هاقولكم يعنى لما تمشى مع بنت كويسه يقولوا اه دى فلانه كويسه ومؤدبه
لانها ماشيه مع بنت كويسه لكن لو ماشيه مع بنت مش مظبوطه هايقولوا عليكى مش كويسه
ومش محترمه والى اخره صح ولا غلط؟؟؟؟؟؟
الاول نعرف انواع الصديقات الى لازم نبعد عنهم اوك
النوع الاول((الصديقه الدكتاتوره))
الى دايما تلاقيها عماله تقول مافيش حد فاهم غيرى او ما حدش بيقترح حاجات
زى بمعنى اصح بتتباهى بنفسها زياده عن اللزوم
النوع التانى((الصديقه المتسلقه))
النوع دا من الصديقات تلاقيها لزقالك طول الوقت علشان مصلحه خصوصا
ازا كنتى شاطره والمدرسين بيحبوكى وبيضربوا بيكى المثل واول ما تخلص المصلحه
ابقى قابلينى ان عبرتك تانى
النوع التالت ((الصديقه الصبار))
دى بقى الى تلاقيها كل يوم مع واحده وتدنيها تشتم مثلا فى واحده زميلتك تانيه
وبعديها بكام يوم تلاقيها قاعده مع الى كانت بتشتمها ومطنشاكى وعماله تجيب فى سيرتك
ودى بقى اوعى تحكيلها اى حاجه عن اسرارك لان هاتلاقى قاره افريقيا كلها عرفتدول الصديقات الى المفروض نبعد عنهم خالص
الصديقات بقى الى المفروض يكونوا زى اخواتنا
هاقولكم هم ايه وازاى تتعاملوا معاهم

النوع الاول ((الصديقه الزهره))
الصديقه الى من النوع دا دايما تلاقيها عقلها كويس شاطره ملتزمه بتطيع اوامر ربنا
و……و….و….. الى اخره الصديقه دى دايما تحسى انها غيرتلك حياتك الى الاحسن
ودايما بتنال ثقه والدك ووالدتك ويخلوكى تزوريها وتزورك وهكذا
النوع التانى((الصديقه الشمعه))
دى بقى دايما تيجى على نفسها علشان تفيدك او تساعدك وتقدم ليكى النصايح دايما
بتسمعك باهتمام دايما بتتاثر بصديقاتها وبتحاول انها تكون الاخت الكبيره او الام !!!!!!!
طيب اكيد لازم نعرف احنا اختارنا صديقاتنا المقربين ليه؟؟؟؟
1))صريحه دايما معاكى
2))بتساعدك فى كل شىء
3))طبعها قريب من طبعك وبتفهمك
4))دايما بتراعى مشاعر الاخرين
من ضمن الصفات برضوا الى لازم تبقى فيهم
1- واثقة من نفسها.
2- منطقية منظمة الفكر.
3- مرحة بشوشة غنية بالتفاؤل.
4- ناعمة وتوافقك في كل ما تفعليه.

معلش طولت عليكم
بس املى انى اكون افدتكم
ما تنسوش الردود والتقييم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى