بوكس العناية الشخصيه 2019

محاضرتنا إنهارده عن العنايه بالبشره والشعر
وبوكس العنايه ده هنحط فيه منتجات العنايه بتاعتنا ( صندوق العنايه يعنى )

تعالوا نشوف البوكس هيكون فيه أيه :

بصوا يا زهرات

انتوا تعتبروا فى مرحله طفوله ومرحلة المراهقه
ولازم تبتدوا تعتنوا بنفسكم شويه

. اول حاجه يكون ليكى شامبو وبلسم وشاور خاص بيكى للاستحمام
ولازم تاخدى شاور كل يومين

( أهم حاجه النضافه يا قمرات لازم تتعودى يا عدوله على النضافه
تاخدى شاور كامل مرتين فى الاسبوع يعنى تغسلى شعرك وجسمك وباقى الاسبوع تاخدى شاور بس لجسمك من غير شعرك وتلبسى بونيه على شعرك )

. تعتنى ببشرتك شويه علشان انتى فى مرحله صعبه وبشرتك معرضه لحب الشباب
فأنتى اهم حاجه تهتمى بيها من البدايه
( تصحى الصبح تغسلى وشك بصابونه ديتول دى مناسبه ليكم يا قمرات
وبعدين ترشى او تمسحى وشك بماء ورد
وتعملى كده 3 مرات فى اليوم )

. بعد ما تغسلى وشك وتقفلى المسام بماء الورد ترطبى وشك بكريم نيفيا برضه مناسب ليكم وسعره مش غالى

. متنسيش يا عدوله غسيل الاسنان
اختارى فرشاة اسنان ناعمه ومعجون اسنان مناسب ليكى

. وبرضه اهتمى انك تسرحى شعرك مرتين فى اليوم وتعملى حممام زيت او كريم مره فى الاسبوع ( المشط يكون خشب )

. لو أنتى من النوع اللى بيعرق يبقه لازم تستخدمى مزيل عرق واسبراى علشان ريحتك تكون حلوه على طول .

يبقه كده اتكلمنا عن شوية اساسيات عن نضافتك اليوميه يا عدوله بطريقه مبسطه جدا

عاوزه منكم دلوقتى من خلال قراءتكم للمحاضره كل واحده تقولى كده هيكون فى ايه فى بوكس العنايه بتاعها

واى سؤال خاص بمحور كلامى عن الدرس اسألونى وانا معاكم فى الاجابه عن استفساراتكم لحد يوم الثلاثاء ان شاء الله مع المحاضره الجديده عن ( مظهرك وانتى خارجه )

إقراء أيضا  تشــابه عجيــب..بيــن البـنات والحــمام 2019

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *