بحبك يا اسكندرية

اسكندريه

وأهو جالك الفارس
اللى غزل توبك
عاشقك ونفسه يكون
فى العشق محبوبك
يحفظ ترابك ربنا
ويخلى محجوبك

ياخد بايدك لفوق
ويزين ميادينك
ياللى انتى اصل الذوق
والفن تكوينك

يا لؤلؤه منوره
من بحرى للمندره
يا شابه يا صغيره

مهما الأعوام بتفوت
عاشقك وحبك مووت

يا اسكندريه
يا متشكله منى ومتكونه فيا
يا اسكندريه
يا احلى عروسه فى عنيا

يا اسكندريه يا حب يا احساس
يا طيبة الناس
يا موجة سحر وخدانى
بتغمرنى وتملانى
وسحر هواكى خلانى
أدوب فيكى
وأسهر كل لياليكى
وأقول للكل بهواها
فى صيفها أو فى مشتاها
بحبك
وحبك شئ ما يتقدر
يا فتاة اسكندر الأضخم
ولا حدش فى يوم يقدر
يحبك قد ما بحبك
حكون شاعر
وحكتبلك
و أغنيلك
تغنى معايا من تانى
اسكندرانية أنا
انا والله اسكندرانية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى