بارت2 من حملة دلعي نفسك ومتضيعيش وقتك . وقت الفراغ والمحافظة على الصلاة والقران …. 2019

طبعا لو انتو مش معايا مش هكمل
وانا اعمل اي حاجة لعيونكم ياقمراتى
بارت النهاردة عن قضاء وقت الفراغ وشوية حاجات كمان
وقتنا بتضيعه فالحاجات اللى ملهاش لازمة صح
ونقعد نفكر ف حاجات تافهة جدا جدا جدا
طب انا اقولك على حاجة بدال ما تقعدى كدة فاضية هااا موافقة
ايه رأيك تجيبي خاتم التسبيح وتسبحي وبكدة انتى مبتضيعيش وقتك
بارت2 حملة دلعي نفسك ومتضيعيش وقتك 3dlat.net_26_16_5f62
الخاتم رخيص جدا ب 3.5 جنيه هنا ف مصر ممكن تجيبيلك انتى واحد او لو انتى أم هاتى لأطفالك كل واحد واحدة واخر اليوم تشوفي مين اكتر واحد سبح وعمل اكتر رقم وممكن يبقي ليه مكافأة ولو حتى حاجة بسيطة

كمان يا جماعة لازم نقرا فالمصحف متعرفيش ان اللى مبيقراش فالمصحف لمدة 3 ايام متواصلة يعتبر هاجرا للقران فقال ابن القيم رحمه الله :” من ترك القران ثلاثة ايام كتب هاجرا له ”
دا ربنا قال بسم الله الرحمن الرحيم {وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآنَ مَهْجُورًا}(30) سورة الفرقان .فبين أن اللى يهجر القرآن فهو من أعداء الرسول، وأن العداوة أمر لا بد منه ولا مفر عنه، ألا ترى إلى قوله تعالى: {وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا*يَا وَيْلَتَى لَيْتَنِي لَمْ أَتَّخِذْ فُلَانًا خَلِيلًا* لَقَدْ أَضَلَّنِي عَنِ الذِّكْرِ بَعْدَ إِذْ جَاءنِي وَكَانَ الشَّيْطَانُ لِلْإِنسَانِ خَذُولًا}(27 – 29) سورة الفرقان
عايزين كلنا تبقي قراءة القران منهج عملي فى حياة كل واحد فينا ونحاول نفهم الايات فربنا قال افلا يتدبرون القران ام على
قلوب اقفالها”
طيب انا قولتلك حاجتين اهو لو عملتيهم مش هتبقي بتضيعي وقتك
طيب ايه تانى طبعا ممكن تنضفي اوضتك زي ما قولنا فالبارت الاول
لو اي واحدة عندها اى اقتراح تقوله تحت فالتعليقات
طيب دا فالاجازة وفى المدرسة بقي
هقولك فى المدرسة مبيبقاش فيه اصلا وقت فراغ خالص بس مننساش القراءة فى المصحف اللى اصلا المفروض تصحي من بدري قبل الفجر كدة وتقري حزب ولا حاجة اوعدك راحة بال طول اليوم ربنا موفقك وميسرلك كل حاجة لازم نعرف ان ربنا منعم علينا بحاجات كتير اوى منقدرش نعدها خلينا مثلا فالرجلين والايدين عندك مثلا واحد معندوش رجلين او ايدين يتمنى ولو لحظة واحدة عشان يصلي على رجله او حتى يرجع يمسك المصحف بصي للناس وخدى العظة والعبرة وخلي بالك ان الدنيا دى الا بس اختبار وكلنا مستنيين النجاح ودخول الجنة ربنا يرزقنا بيها واياكم يارب
عايزة اتكلم كمان عن الصلاة
هقولك على حكاية حصلت معايا انا شخصيا
بدأت اصلي من وانا فى 2 ابتدائي ومكنتش بضيع فرض واحد جت سنة 3 ابتدائي وكأى واحدة بدأت اسيب صلوات كتييييييير اوى ولاحظت الفرق بين سنة 2 وسنة 3.. سنة 2 طلعت الاولي عالمدرسة ومنقصتش ولا حتى واحد من عشرة فى سنة 3 طلعت مركز تالت ولاقيت نفسي ناقصة
الموضوع دا لاحظته بنفسي من غير ماحد ينبهني ليه ومن ساعتها وانا ملتزمة الصلاة فى وقتها مظبوط
طب لو انتى وراكى دروس فأيام المدرسة هقولك هتعملي ايه فكل صلاة
الفجر
هتصحي قبله بشوية ربع ساعة كدة تصلي ركعتين وتقري شوية فى المصحف لحد ما الاذان يأذن تقومى تصلي وبعد كدة عايزة تنامى ساعة ماشي عايزة تذاكري برضو ماشي ونصيحة منى وقت الفجر بيبقي وقت تحفة فالمذاكرة وقت فيه بركة والمعلومات بتثبت بطريقة رهيبة عشان كدا بتوع الثانوية العامة بيصحوا يذاكروا الفجر
الظهر
اكترنا بيبقي فالمدرسة اول ماتروحي صلي علي طول لو بتطلعي 12 لو بقي بتطلعي 2 او كدة روحي المصلي بتاع المدرسة وصلي او ممكن تقترحي علي ادارة المدرسة انها تعمل وقت للصلاة اول ما الاذان يأذن والمدرسة كلها تصلي وفى وقت الصلاة مظبوط وتبقي اخدتى ثواب كل اللى صلي فى معاد الصلاة ومبروك عليكي الحسنات اللى اخدتيها
العصر
بنبقو فى دروس نعملو ايه لو عندك كذا درس صلي مابين الدرس والدرس التانى وتكون معاكى حاجة تصلي عليها ف شنطتك
المغرب والعشاء
بنبقو وصلنا بقي البيت نصلو المغرب والعشاء فى وقتهم اللى ربنا قال عليه
خلاصة الكلام ربنا عمل الصلاة عشان تكون عماد للدين واول حاجة ربنا هيسألك عليها يوم القيامة هى الصلاة تخيلي نفسك واقفة قدام العزيز الجبار وبيسألك عن الصلاة هتردي تقولي ايه مكنش عندى وقت كنت بذاكر لا ياحبي انتى اصلا مستواكى الدراسي المتميز دا توفيق من عند ربنا قبل انه يكون عشان انتى ذاكرتى
دا غير ان الصلاة بتنور الوش وتخلي عليه النور والوضوء كمان يبنور الايد ويوم القيامة الرسول صلي الله عليه وسلم هيعرفنا بالنور اللى على وشنا وايدينا
كدة البارت الثانى خلص اتمنى انو يكون عجبكم واستفدتو منو
اتمنى انه يكون عجبكم وتتابعونى فالبارتات الجاية ان شاء الله
سيبولي تعليقاتكم تحت ولو عندك اى ملاحظة اكتبيها
بارت2 حملة دلعي نفسك ومتضيعيش وقتك 54.gifبارت2 حملة دلعي نفسك ومتضيعيش وقتك 54.gif شايفاكى شايفاكى وانتى ماشية من غير تقييم
بارت2 حملة دلعي نفسك ومتضيعيش وقتك 54.gifبارت2 حملة دلعي نفسك ومتضيعيش وقتك 54.gif وشايفاكى برضو وانتى ماشية من غير تعليق

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق