اوعى تكرهى نفسسسسك 2019

موضوعى النهارده هو انكـ متكرهيش نفسك اوعي فى يوم تقولى انا بكره نفسي اووعي فى بنات هتقولى: ازاى ؟! ازاى مكرهش نفسي وانا فيا عيوب كتير زى كذا وكذا وكذا….الخ انا ارد عليها واقولها لاء برضو متكرهيش نفسكـ
هتقولى :لاء لاء ازى؟وليه؟! مش مكفيكي العيوب دى كلها؟!
انــا اقولك: لاء ليه طبعا عارفة انك فيكي عيوب كتير ..كتير اوى كمان لكن مهما كان عيوبك اكيــد ليكي مميزات
هتيجي واحده عسل كده انا عارفاها وهتقولى: والله؟ كل دى عيوب وعايزانى اصدق انى موجود عندى مميزات انتى اكيد بتخرفى
هقولها: اهدى بس كده وحده وحده ايوه ليكي مميزات كل انسان ليه مميزات
كللللللللل انســــــــاااان
بجد؟! طب المميزات دى زى ايــه؟
اقولك انا: زى ايه فى كتيير اوى مثلا ممكن تكون ميزتك ان رسمك جميل اوشيك دايما وذوقك حلو اوخطك حلو او تكونى شطووره (مش شرط تكونى شاطره بمعنى شاطره فى كل المواد لا ممكن تكونى شاطره فى ماده وماده لاء كده يعنى هو ده قصدى)
او ممكن تكونى لبقة فى الكلام يعنى اسلوبك حلو فى الكلام او ممكن تكونى ناصحة كده وواعية كده او طيبه وقلبك كبير وبتسامحى او تكونى رشيقة وخفيفة كده اويكون دمك خفيف او طباخه ماااهره وحاجات كتيره جدا لا تعد ولا تحصي
هتقوليلى:طب انا مافيش فيا ولا واحده من دول يبقى انتى كدابه
هقولها: لاء ياستى انا والله مش كدابه وانتى غلطانه
هتقوليلى: غلطانه ازاى يعنى بقولك مفيش ولا ميزه فيا من دول؟!
هقولك:لاء انتى غلطانه يا حبيبتى ربنا خلق كل واحد فى ميزه وانتى اكيد اكيد اكيد ليكى ميزه وانتى متعرفيهاش
هتقوليلى:طب اعمل ايه بقى عشان اعرف انا ميزتى ايه؟
هقولك:جددى حياتك بدل ماطول عمرك ماشية على نظام معين طول حياتك جربى حاجات جديده جربى تخيطى جربى تالفى شعر/قصص/اغانى… الخ جربى تغنى جربى ترسمى ….الخ
اعملى اى حاجه تثبتى بيها انك موهوبه او مميزه بس ارجوكى ارجوكى اوعى تكرهي نفسك او تقولى انا بكره نفسك اوووووعى