المشاكل الزوجيه العنف الزوجى الاهانات الزوجيه وحلولها 2019

( الموضوع دا مفيد للزوجه الى بتضرب وكمان لاى زوجه عاديه حابه تحل مشاكلها الزوجيه باسلوب كويس وتقلل حدوثها )

المشاكل الزوجيه العنف الزوجى الاهانات الزوجيه 1070.gif

أنا بأدبى وأخلاقى وشخصيتى مش هسمح ابدا لأى انسان انه يهين كرامتى وانسانيتى

المشاكل الزوجيه العنف الزوجى الاهانات الزوجيه 1070.gif

دى الكلمه الى لازم تحطها كل بنت فى دماغها ومتنسهاش ابداومتسمحش لاى حد يتعدى عليها بأى شكل سواء لفظاً او بالايد..

المشاكل الزوجيه العنف الزوجى الاهانات الزوجيه 1070.gif

طبعا كلنا عارفين :
لم تخلق المرأة من رأس الرجل لئلا تتعالى عليه ، ولا من رجله لئلا يحتقرها ، بل استلت من ضلعه لتكون تحت جناحه .. وقريبة إلى قلبه فيحبها وتحبه.. (يعنى بالحب كل مشاكلنا تتحل)

المشاكل الزوجيه العنف الزوجى الاهانات الزوجيه 1070.gif

وطبعا مش معنى انى ارفض الذل والاهانه انى اتطلق ولا اقوم اضرب جوزى ولا اسلط عليه بلطجيه تضربه لا طبعا
عايزين نتعلم ازاى نكون حكماء ونعالج اى مشكله تواجهنا بجد ونحط فى دماغنا اننا لازم نحلها والزوج مهما كان صعب اكيد ليه مدخل معين وكمان الحياه الزوجيه قبل ماتبتدى لازم نحطلها شروط ومعايير معينه وخطوط حمرا مينفعش الاتنين يعدوها.

المشاكل الزوجيه العنف الزوجى الاهانات الزوجيه 1070.gif

انا لاحظت ان الموضوع دا انتشر جدا وشفت كذا حد بيشتكى وكلهم اما بيطلبوا الطلاق او تبدا تغلط بزوجها او انها اصلا تكون غلطت وعلشان كدا ضربها ودول الى بياخدوا موقف عنيف ويعلجوا الغلط بغلط والحاله التانيه السلبيين الى بيسكتوا وتاخد على دماغها وتسكت اكتر واكتر وتقول اعمل اييه فى الاخر بعد ماتدمر بيتها واولادها ؟؟؟

المشاكل الزوجيه العنف الزوجى الاهانات الزوجيه 1070.gif

اولآ: قبل مانقول الطرق هنقول حاجة الراجل الى بيضرب دا واحد من تلاته اما راجل ايده اصلا طويل ومريض نفسى وعنده نقص ومبيحسش برجولته الا بمد الايد اما راجل شخصيته مش ضعيفه بس مش قويه لدرجه انه يسيطر على الامور ويعالجها وبتكون مراته فى الحاله دى غالبا مش ديما طبعا لسانها طويل او بتستفزه او بتحسسه بالنقص ولانه طبعا بيعجز عن حل الموضوع دا بالعقل بيمد ايده وتالت نوع بقى ودا النادر جدا بيكون بجد انسان كويس جدا بس فعلا مراته وحشه جدا جدا وبيكون ضربها مره غصب عنه وضربه كدا خفيفه الى مسموح بيها دى وتالت نوع دا مش الى بنتكلم عنه لانه مش مشكله اصلا احنا بنتكلم عن اول نوعين وهنقول ازاى نتعامل معاهم فى النقط الى جايه …

إقراء أيضا  التعليم العالى يقى من ضغط الدم 2019

المشاكل الزوجيه العنف الزوجى الاهانات الزوجيه 1070.gif

((((اهم حاجه هتعمليها انك لما تكونى عروسه جديده او مخطوبه زى ماقلنا تحطى خطوط حمرا لكى ولجوزك وتتعهدوا لبعض انكم مش تتعدوها وان كمان يكون اختيارك لزوجك كويس ومفكره كويس وسأله عليه كويس مش تتجوزى وخلاص وتكتشفى انه مدمن وانتى حامل وبيهريكى ضرب بلاش التسرع ارجوكم …… ماشى …. دا قبل الجواز او العروسه))))

المشاكل الزوجيه العنف الزوجى الاهانات الزوجيه 1070.gif
اما بقى الى خلاص اتجوزت ووقعت فى الخيه والى حصل حصل وبقينا فى امر واقع يبقى تعمل ايه ؟؟

ممكن بعد الجواز لو لحقتى الدنيا قبل ماتتطور كدا وجوزك متفهم فى قعده صفا مع جوزك توضحيله اد ايه دا بيضرك وكمان تحطوا الاسس دى وكانكم لسه متجوزين.

المشاكل الزوجيه العنف الزوجى الاهانات الزوجيه 1070.gif

(((( واليكى 7 (سبع) حلول للمشكله ))))

المشاكل الزوجيه العنف الزوجى الاهانات الزوجيه 1070.gif

1- نمره واحد ( الدعاء والصبر واليقين بالاجابه) اهم واول حل لكل مشاكلنا ندعى ربنا بجد يهدينا ويهدى ازوجنا والمحافظه قدر الامكان على بيت هادى تصلى وتشغلى قران وتحاولى قدر الامكان تبعدى عن بيتك الشيطان وطبعا الصبر والعزيمه انك هتغيرى الموضوع دا ومش هتسمحى ابدا ان دا يحصل تانى وتبقى متيقنه ان ربنا معاكى.

(بالصبر تبلغ ما تريد وبالتقوى يلين لك الحديد)

المشاكل الزوجيه العنف الزوجى الاهانات الزوجيه 1070.gif

2-نمره اتنين (الادب والاحترام ) ايوه الادب لازم يكون فى تعامل بادب مع الزوج وانى متعداش على اى شىء بيجرحه او اهين كرامته او اغلط واضطره انه يخرج عن شعوره ويضرب لان كتير ستات معندهمش اخلاق للاسف وببقى انا شخصيا عايزة اديهم بالجزمه القديمه سورى يعنى بجد لسانها اطول من العماره الى ساكنه فيها وديما صوتها عالى ومسمع الجيران وبتتعامل مع زوجها كانوا ابن البواب وبجد الزوجه دى ابتلاء يبقى ازاى بتنتظرى منه يصبر مالازم يخرج عن شعوره ويمد ايده هو اه مش مبرر لان الزوج قوى الشخصيه يقدر يأدب اى زوجه او يطلقها لما يعجز بس بردوا كل راجل وشخصيته واوقات هو كمان بيكون عنده اولاد ومش عايز يشردهم.

إقراء أيضا  عندما تقر حواء الطلاق ماذا بعد؟ 2019

المشاكل الزوجيه العنف الزوجى الاهانات الزوجيه 1070.gif

3- نمره تلاته (الحب والاحترام) يعنى لازم بجد احب زوجى واحسسه باهميته عندى واحترمه بجد واديله وضعه الى يستحقه ولو فى مشكله عنده او قصور فى حاجه معينه مش ابين دا واجرحه لا احاول اظبطه باسلوبى ولما نتخانق او نختلف اتكلم براحه واشوف المشكله فين او ضيقته فى ايه او اسيبه لما يهدى ونتكلم وكمان لازم احب زوجى بجد واديله مشاعر وحب واحسسه انه اهم حد فى حياتى .

المشاكل الزوجيه العنف الزوجى الاهانات الزوجيه 1070.gif

4- نمره اربعه (اقوم بوجباتى) طبعا اهتم بنفسى وبيتى وزوجى واولادى واشوف زوجى بيحب ايه واحاول قدر الامكان مش ااقصر ولو قصرت فى حاجه غصب عنى اعوضه فى موقف او حاجه تانيه كدا يعنى واحاول اخلى البيت هادى وجميل قدر الامكان من المنظر والاكل والريحه والاولاد .

المشاكل الزوجيه العنف الزوجى الاهانات الزوجيه 1070.gif

5- خامس حاجة (السكوت وقت المشكله )يعنى لما اشوف زوجى ثاير ومتعصب جدا اسكت خالص لحد لما يهدى حتى لو بيقول كلام بيضايقنى او كلام غلط اتهمات يعنى واقنع نفسى انه مجرد غضبان واكيد لما يهدى هيعرف انه غلط ومش اسكت واسيبه وامشى واحسسه الى هو (بقبق مع نفسك) لا استنى واقف باحترام وهدوء وبلاش النظرات الفظيعه الى اسخن من الكلام ولما يخلص انسحب بهدوء واقوم بكل الى عليا تجاه وكمان اعمله عصير يهدى اعصابه لو قدرت ولما يهدى بقى ابقى اعاتب عتاب الاحباب الهادى الجميل واقوله كل الى ضايقنى واحسسه اد ايه الكلام الجارح دا بيأثر فى نفسيتى ومش بقدر استحمله وانه يحاول يخلى باله من كلامه وهو متضايق قد مايقدر زى مانا بحاول امسك نفسى

إقراء أيضا  مقادير الوصفة المثالية في علاقات الحب والزواج! 2019

المشاكل الزوجيه العنف الزوجى الاهانات الزوجيه 1070.gif

6- سادس حاجه ( الفضفضه) من وقت للتانى فى لحظه صفا اقول لجوزى الى بيضيقنى واسمع منه الى بيضايقه علشان نفرغ الشحنات السلبيه الى جوانا تجاه بعض ولاقدر الله لو اتخنقنا منبقاش شايلين جوانا ونسخن اكتر.

المشاكل الزوجيه العنف الزوجى الاهانات الزوجيه 1070.gif

7-سابع حاجه (احترام عالم الزوج) الى هما اهله واصحابه وشغله دا العالم بتاعه ولازم احترمه لان التعدى على اى حاجة من دول هيعتبره تعدى شخصى عليه ومهما اتضيقت ولا اختلفت مع اى طرف من الاطراف دى مش لازم افقد السيطره او ابدى عدم احترامى علشان دا خط احمر عنده ولازم مش تتعديه.

المشاكل الزوجيه العنف الزوجى الاهانات الزوجيه 1070.gif
متهيقلى احنا قلنا اغلب الحاجات الى ممكن نتفادى بيها الاهانه والضرب وكمان نتعامل مع الزوج بحيث ميبقاش فى مجال لدخول الشيطان وانه يخرج عن شعوره ومفتكرش لو كلنا عملنا كل دا او حتى نصه هنتعرض للضرب ,اما فى الحلات النادره الى هى بيكون فيها الزوج اصلا مريض نفسى ولا بيشرب حاجه وبيضرب من غير سبب ودى نادره لان باخلاقك وصبرك ودعائك تقدرى فى اقل الاحتمالات حتى تتجنبيه وهو فى الحاله دى ساعتها لازم ندخل حكم من اهله واهلك ولازم حد كبير يكون بيحبه وبيسمعله ينذره ويفوقه او شيخ او حتى دكتور نفسى يتعالج علشان يقدر يوقف العاده السيئه دى وطبعا حتى الحلول دى تتقدمله بطريقه كويسه ((مش اروح اقوله انا بكرا هجيبلك بابا يربيك ويجبلى حقى ولا هقول لاهلك يلموك ولا روح شوفلك دكتور نفسى يامجنون)) اصلى عارفه اللسان الى بينقط عسل كدا ياحبيبتى دماغك هتتفتح مش بس هتضربى ويفضل حد يتدخل ويقنعه بكدا لانه غالبا بيبقى رافض الكلام من مراته

المشاكل الزوجيه العنف الزوجى الاهانات الزوجيه 1070.gif

وبكدا موضوعنا خلص ولو اى حد ليه رأى او عنده اضافه او حل تانى يقدر يقدمهولنا .

الوسوم

مقالات ذات صلة

إغلاق
إغلاق