الخلافات والخناقات والمشاكل الزوجيه 2019

الخلافات والخناقات والمشاكل الزوجيه

_______

الخلافات والخناقات والمشاكل الزوجيه

_______������_____________������_________

عاوزة أسأل سؤال بس تردوا عليا بصراحه
الخناقه بعد مابتخلص مع مراتك أو مع زوجك بتحسي بايه بتحس انت بايه بندم انك اتخانقتى معاه ، او انك اتخانقت معها
طيب في الاخر بيحصل ايه مين بيصالح التانى انت اللي بتبدي الصلح
ولا انتى اللي بتروحي تصالحية
طيب سيبكوا من ده كله
ممكن اقلكوا علي حاجه طيب ممكن قبل ماتتخانقوا تستعيذوا بالله من الشيطان الرجيم
وحاولوا تتناقشوا بهداوه امممممممم
واحده هتقولى نتناقش ازاى هو ساعه الخناق بيبقي فيه حد يتناقش بهداوه
طيب براحه بس عليا هههههههه
طيب انتى ليه ماتمتصيش غضبه على فكره معظم الرجال بيتعصبوا بس بيهدوا بسرعه
وبيندموا اسرع
طيب بلاش حصل واتخانقنا ايه العمل يا حلوه انتى وهو اقولكوا
اولا بلاش المعايره بالماضي كل شويه علشان ماتدخليش القديم في الجديد تمام
والمعايره دى حاجة وحشه جدا وهى بقي اللي بتطلع القديم والجديد
كمان هقلكوا علي حاجه لو حصل واتخانقتوا ابوس ايديكو مش قدام الاولاد ماتطلعوهمش
معقدين نفسيا
كمان بلاش الجيران تعرف انكوا اتخانقتوا سوا مش لازم نلم الشارع علينا وانتى تصوتى وهو يكسر الدنيا وتتفضحوا والناس تتلم وتعرف الموضوع
طيب ايه العمل يا عدوله قوليلنا؟
حاولوا تتحكموا في غضبكوا انتوا الاتنين ومش هبقي كدابه واقول من اول مره هتعرفوا تتحكموا في الخناقه لا بعد كذا مره بعيد عنكوا الخناق والمشاكل يارب
وتعيشوا متهنيين بس الخناقات دى زى ماتقولوا كده الشطه بتاعه الجواز

الدور مش بس علي الست علي فكره يعنى مره الراجل بيبقي متنرفز هى تمتص غضبه لحد ما يهدى تمام وعلى الراجل كمان ايوه هيجي يقولى ماهى قاعده ليل نهار في البيت هتتنرفز من ايه
راعى انها معاها اولاد في البيت دول لوحدهم يجننوا بلد بحالها
وممكن تكون فيه حاجه جديده حصلت عند اهلها أو من أهلك أو عندما ظروف خاصه تعب او حاجه
انت لازم تقدر كل ده
وتتحمل برده عصبيتها زى ماهى بتستحملك
طيب الخناقات خلصت يا عدلات وبهدلنا الدنيا احنا الاتنين ومش عارفين نتصالح
نعمل ايه بقي
عاوزة اقولكوا علي حاجه مهمه اولا مين إبتدى بالصلح مش هتفرق كتير عارفين ليه
لان اللي إبتدى مش شرط يكون حاسس بغلطه لا ممكن لانه مش مستحمل بعد التانى عنه
بيحبه ومش قادر على الفراق
كمان مانبتديش الصلح بالتالي لان لو ابتدناه كده بتبقي بدايه غلطت خالص ليه يا #عدلات
عشان اللوم والعتاب بيزود البعد والتوتر النفسي ومش من الموده والرحمه ابدا
ده احنا عارفين أن الجواز حب وموده ورحمه والمثل بيقول أن كنتوا حبايب لاتتعاتبوا
وبلاش بقي مانت وانتى والكلام ده
والمواقع اللي حصلت استفادوا منها لازم تعرفوا ايه أساس المشكلة وتقعدوا في روقان وتتكلمى براحه وبصراحة وهدوء

إقراء أيضا  مالفرق بين العُذرية والـــلاعُذرية ؟؟ 2019

يارب مكنش وجهت دماغكوا
يارب تكونوا استفدتوا وماتنسونيش بدعوه حلوه

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق