الحمدلله كلمتين لازم نقولهم لاخر يوم في عمرنا 2019

موضوعي انهاردة بيتكلم عن ظاهرة انتشرت للاسف في مجتمعاتنا بشكل كبير جدا و هي .. توقف اللسان عن قول : “الحمدلله” هتقولولي ازي يعني هقولك تبقى الواحدة نفسها تجيب أي باد او بلاك بيري او او او او و ظروف الاهل مش سامحة انها تقدر تشتريلك احاجة دي دلوقتي و بيرفضوا او ياجلو الموضوع لحد ما الظروف تسمح تروح الفتوكة تقول اوووووف انا زهقت بقى كل صحابي جايبين الحاجات دي الا انا اشمعنى اانا يعني ؟؟!!! و تقعد تتذمر طول الوقت و ما فكرتش تقول الحمدلله هتقولي يعني اقول الحمدلله على ايه يعني ؟؟! ايباد و معنديش ايفون و ما عنديش بلاك كبيري ما عنديش جالاكسي برضه ما عنديش(مش جالاكسي الشوكلاته اصلي عارفه انكم من كتر حبكم للاكل ممكن تاكلوني ) انا اقولك ييا فتوكة تقولي الحمدلله على ايه بس لازم تعرفي الاول ان اللي انتي فيه ده اختبار من ربنا سبحانه و تعالى و عشان تنجحي في الاختبار ده لازم تقولي الحمدلله على كل حاجة
و دلوقتي هقولك تحمدي ربنا على ايه :
الحمدلله على نعمة الستر

بان ربنا سبحانه و تعالى من و انعم عليكي باللبس اللي بيسترك بالبيت اللي حاميكي من حر الصيف و برد الشتا

الحمدلله على نعمة الاكل و الشرب

اللي كتير اوي محرومين منها زي الفقراء اللي ربنا ابتلاهم بالفقر عشان يشوفهم هينجحو في الاختبار ولا لا

الحمدلله على نعمة العقل

اللي ربنا رزقنا بيه اللي بنفكر بيه و نميز بيه الصح من الغلط و نفهم بيه و لولاه لكنا مازلنا زي ما احنا زي ما بدت الحياه على الارض حياه مش متقدمة و مش متطورة و مكناش قدرنا نحقق من غيره احد اسباب وجودنا على الارض و هو تعميرها

الحمدلله اللي خلقك في احسن صورة و خلاكي احسن من ناس كتير زي ذوي الاحتياجات الخاصة .. لما تبصي على نفسك في المراية افتكري الناس دول و ما تقوليش انا مش حلوة انا مش جميلة قولي الحمدلله و مفيش حد مش جميل و الجمال مش جمال مظهر بس لا ده جمال الخلق احسن و اهم بكتير من جمال المظهر

الحمدلله على نعمة الاسلام

ان احنا ربنا فضلنا عن ناس تانية باننا نتولد و دينا الاسلام

و غيره كتييييييييير هتعرفيهم لوحدك لو بس تاملتي حياتك.. لو تحسي بالزعل عشان نفسك في حاجة و مش عارفه تجيبيها بصي للناس اللي نفسهم في اقل حاجة عندك ساعتها تقولي الحمدلله

و انا دورت على افضال قول الحمدلله لاني حبيت اوريكم فضلها كمان عشان تعرف واد ايه فضلها عظيم

قال رسول الله صلى الله عليه وآله وسلم: (الطهور شطر الإيمان، والحمد لله تملأ الميزان، وسبحان الله والحمد لله تملآن ما بين السماء والأرض، والصلاة نور، والصدقة برهان، والصبر ضياء، والقرآن حجة لك أو عليك، كل الناس يغدو، فبائع نفسه، فمعتقها أو موبقها).
الراوي: أبو مالك الأشعري

و كمان

قال رسول الله صلى الله عليه و سلم ” أفضل الذكر لا إله إلا الله وأفضل الدعاء الحمد لله ”

يبقى كلنا من انهاردة لازم نغير حياتنا و نعود نفسنا اننا نقول الحمدلله

و انا الصراحةلما شوفت اعلان “جمعية رسالة” اكتر من مرة قررت اكتبلكم الموضوع ده لعلو يفيد أي حد و يضاف الى ميزان حسناتي ان شاء الله و ارجو ان الموضوع يكون نال اعجابكم
في امان الله