الحطـــــــــام

الحطـــــــــام

تلعنيـن الساعـه اللـي فيهـا شفتينـي..

حـرامدام لعـن الدهـر ذنـب وسيـئـه.. لا تلعنـيـن

يعنـي صـار الحيـن همـك تتركينـي والسـلام

ما حسبتي حساب قلب ولا حسبتـي حسـاب عيـن
ما خطر فـي بالـك انـي ممكـن اتعـذب وانـام

نـومـةٍ مــا عقبـهـا إلا صــلاة الميّـتـيـن

مـو حـرام ان تاخذينـي لحـم ترمينـي عظـام

يعنـي ناقصنـي جـروح الا تجيـن وتجرحيـن

شايفتنـي طفـل ولاّ كنـت مــو قــد المـقـام

لا بغيتـك مـا تجيـن .. ولا بغيتيـنـي تجـيـن

لـو أبافعـل مثـل مـا انتـي تفلعلينـه بالتمـام

صدقيني مثـل مـا استحملـت .. مـا تستحمليـن

بـس انـا واحـد اقـدّر شـي يسمونـه: غـرام

مبـدأي مـن حبنـي مـره .. احـبـه مرتـيـن

لا تقولـيـن العـلاقـه ذي مـجـرد إنـسـجـام

واللي صار اكبر من اللـي صـار بيـن العاشقيـن

حاجه اكبر من حكايـة عشـق واسطـورة هيـام

سجّلتنـي فـي سجـلّ المغرمـيـن الضايعـيـن

من ضياعي صرت احس انـي اعيـش الإنفصـام

بين شخصيـة مراهـق طايـش وشايـب رزيـن

الله اكبر مـا كأنـي شـاب فـي العشريـن عـام

شايـل الدنيـا علـى راسـي ونفسيـاً حـزيـن

تايـه ومابيـن عاطفـتـي وعقـلـي إصـطـدام

ضعت مدري ليه؟؟ ..ولاّ كيف ضعت؟؟ ولجل مين؟؟

يتّهمـك النـاس وانـا اقـول: لـيـه الإتـهـام

الضلوع اصـلاً ضلوعـي وانتـي اللـي تطعنيـن

يعنـي لا شرهـة عليـك ولا عليـك ايـة مــلام

ولا يـردّك عـن طعونـي والضلـوع الا اليديـن

سـوّي اللـي مـا بدالـك لـو تجاوزتـي النظـام

صـك ملكيّـة حيـاتـي مـعـك .. لا تتـردّديـن

إجرحيـنـي واعـرفـي مــا دام لله الـــدوام

ميّـتٍ هالحيـن .. ولاّ بعـد عـدّه مـن سنـيـن

وكـان جـرحـي ديــن ولاّ ثــار ولاّ إنتـقـام

بانتقم لك منـي اكثـر كـان ثـار ..وكـان ديـن

بعد هذا وبعـد كـل اللـي سمعتـي مـن الكـلام

وبعـد مـا دنّقـت راسـي لجـل تسقـط دمعتيـن

وبعد مـا حطيـت نفسـي بيـن جـدران وظـلام

وبعـد مـا خليـت ربعـي يزعلـون وتبسطيـن

وبعـد مـا عدّيتـك اقـرب خلـق ربـي والأنـام

وبعد مـا صنّفـت حقـك مـن حقـوق الوالديـن

وبعـد كـل اللـي لقيتـي مـن رعايـه واهتمـام

وبعد ما حسّستك انك غير.. وطينـك غيـر طيـن

وش تبين اكثر عشان اثبـت لـك انـي كالحطـام

يعني لو يرضيك اموووت..أمووووت..لكن ترجعين؟

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق