الأخبار

الأخبار……

ابطوا علي اللي يجيبون الاخبـار
وعلومهم ياسعود حمض الرجالـي
ياهل الركيب اللي من القفر ضمار
تخبـروا بيتـي ترانـي إلحالـي
واليا غويتوا البيت تجذبكم النـار
نار سناها فـوق روس الجبالـي
ساعة لفيتـوا والفناجيـل عبـار
امبهـرات بهيلهـنـه زلالــي
اربع ادلال وكلهن شغـل بيطـار
مع نجرهن شاريه باغلا حلالـي
ومع دربهن الكبش ماعنه معـذار
مع منسف صبه حسيـن الدلالـي
يوم الردي يخفي طعامه عن الجار
علـى طعامـه ودع ام العيالـي
ماقط لوح فوق زينـات الاكـوار
ولا ولعنـه سايجـات الحبالـي

مقالات ذات صلة

زر الذهاب إلى الأعلى