اعتذر لك
اعتذر لك
اعتذر لك حيل ياحبي الجديد
واعتذر لك حيث طفت وحدتك
ماعنيتك في تعابير القصيد
ولا قصدت اني اعكر دنيتك
ذاك قلبي حين يصفى ويستعيد
ذكريات في حنينه جابتك
ترجع اللحظات تتناسى الوعيد
وتبحر الاشواق حزة ضحكت
اسف والله اسف (م) عيد
هفوتي يازين تشعل غيرتك
ماتعدى موقفي ولا بي ازيد
في مواضيع العشق من وجهتك
خايف بالحيل ولا أقدر احيد
عن دروب هي رجاوي طلبتك
كيف تراضيني أخو وابقى عضيد
والبدايه كنت تسمح قبلتك
صرت ماتقبل رسايل في البريد
لا ولا هاتف يجدد بهجتك
ابتعدت وعشت مع نجمك وحيد
ماتناضرني بوفاء من نظرتك
الزعل ماظنتي عادة يفيد
والفرق الصعب يقتل فرحتك
خلنا ياشوق نتلاقى ونعيد
حالم الهمسات تنعش مهجتك
نلتقي في ليل والخلوة بعيد
عن عيون الناس تخدش طلعتك
اعتذر لك حيل ياحبي الجديد
واعتذرلك حيث عشت بدنيتك