ازاى تمنعى زوجك من الدخول على المواقع الاباحية ازاى تمنعى زوجك من الكلام الخارج 2019

عمت بنا البلوى فى هذه الايام هو استباحه الازواج للفرجه على المواقع الاباحيه او للكلام الخارج على الفيس بوك مع ستات اقل مايقال عنهن انهن منحرفات
واحتارت الزوجات العفيفات مع ازواجهن مابين غضب ومواجهه وحوارات طويله فالاغلب تخرج منها الزوجه اما بمشاكل كثيره دائما بينها وبين زوجها واما بعند من الزوج ومكابره فالغلط واما انه يريح الزوجه ظاهريا ويستجيب لطلباتها ويبقى اكتر حذر ويتكلم ويشوف خارج البيت او وهى نايمه او لاقدرالله تنتهى المشكله بالانفصال

وهل احنا الزوجات العفيفات الراغبات فالحياه الزوجيه السليمه وتكوين اسره تكون نواه للمجتمع الصالح نفضل نعانى كدا دون ايجاد حلول جديده ؟؟؟
لا ابدا والله ويكون عيب على كيد النساء اللى اتميزنا بيه

طيب نعمل ايه !!! نعمل ايه !!!

لازم اولا نعرف ان لكل مشكله اما حل اونهايه فدوام الحال من المحال
والابتلاء دا السبب الاول فيه هو الانتشار الرهيب لهذه الافعال السيئه بين الشباب ثم قله الوعى الدينى وطبعا فيه شويه قله ضمير
وطالما عرفنا ان السبب مش فينا غالبا فانا لاقيت طريقه سهله وبسيطه وان شاءالله تجيب نتيجه هايله بس مع الصبر ياجماعه مانستعجلش

الطريقه هى
اولا
ان تتقرب الزوجه من الله اكتر وتزيد من الصلاه وقراءه القرأن والتسبيح والاستغفار
اااااااااّّه شايفه غضب فوششكم
عارفه انكم بتصلو وكويسين بس اصبرو لاخر كلامى الصبر حلو
ثانيا
ان تختار كل زوجه مكان اوركن فبيتها حسب المساحه تعمله زى مصليه وتحط فيه سجاده الصلاه وتكون من النوع الغالى الحلو وياريت تكون ساده ولونها اخضر علشان تساعد على جو روحانى
وتحطى حامل للمصحف كبير او متوسط وعليه مصحف مفتوح
وتحطى شويه سبح شكلها جميل كدا وطبعا كلنا عندنا منها اشكال واللوان
وتعلقى كام تابلوه فيه ايات قرانيه ولو مافيش مكان هاتى جلده نتيجه وجلديها بورق ابيض واللصقى عليها وغطيها كلها بالايات والادعيه اللى بتتباع عند المكتبات الاسلاميه
وجملى المكان بزوقك وحسب امكانياتك ودايما بخريه وعطريه وعطرى المصليه والسبح والمكان كله بالمسك الابيض او الاحمر او بالتبادل بينهم
وياريت تعمليها فيوم يكون مفاجأه لزوجك واعتربيها من الليالى الرومانسيه الحالمه اللى بنقعد نحضرلها بالايام وساعات بتفشل ياعنى علينا
بس دى هاتنجح ان شاءالله
وياسلام لو عيد ميلاد زوجك او عيد زواجكم قرب ودى تبقى من ضمن المفاجأت والهدايا بتاعه اليوم
ثالثا
ان تضع الزوجه على اللاب توب او الجهاز الخاص بالزوج اللى دائم الجلوس عليه خلفيات اسلاميه باستمرار وكل شويه تغير للاحسن ولو ممكن تنزله على موبايله سيمزات او تقوله انا نزلت حاجات جميله ابعتها لك بالبلوتوث
رابعا
كل يوم وانتى بتصحيه من النوم او وهو راجع من شغله تكونى مشغله القرأن المرتل بصوت هادى وواضح مع تشغيل بخور وتقوليله انا بحب احفظ البيت واحفظك من كل شر وبحصنا من الشيطان والعين
خامسا
لاتواجهى بل استخدمى هذه الطريقه فقط مع الاهتمام بنفسك ومحاوله عدم التقصير

ومكن كتير مننا يسأل ودا علاقته ايه بالمشكله
هاقولك ان ووجود شئ زى كدا فبيوتنا بيبقى بمثابه تنبيه لضمائرنا جميعا واحراج للزوج وان كان عنيد هتلاقيه قلل من افعاله بسبب رؤيته لهذا المكان الروحانى
كمان ان وجود مكان مبارك بوجود القرأن والمصليه والسبح يجعلنا دائما نتذكر الصلاه ونجود فيها ونتقى الله ويجعل الله يبارك لنا فى بيوتنا ويجعل اولادنا ينشأون على طاعه الله واستحباب مكان الصلاه والذكر وكون هذا المكان بمثابه جاذب لنا للاكثار من الطاعه والعباده وبالتالى يبقى ارضينا الله وحلينا ولو حزء من مشكلتنا وسنينا سنه حسنه سوف نثاب عليها بأذن الله

وياريت كل بنت مقبله على الزواج تعمل حساب لهذا الركن او المكان فى بيتها الجديد وتدخل وتبتدى حياتها الزوجيه بالصلاه فيه وتكون بدايه خير