ازاى ترخم على البنت وتتنح عليها ـهبل اخر زمن للشباب(:) 2019

ازيكم يابنات
بينكا انا اقلب عالنت
لاقيت موضوع مكتوب عليه
ازى تتنح على البنت وترخم عليها
فحبيت اعرضه عليكم عشان تتفادوه
شباب مهبول
احنا محدش يعرف يوقعنا

العملية فى منتهى السهولة و سيتم عرضها من خلال عدة مواقف متتالية وربنا
يقدرنا على بنت حواء

1- اذا كنت ماشفتهاش من زمان و قابلتها صدفة و بتسألك انت عامل ايه ازى احوالك ؟
ترد بمنتهى البرود … انتى مش شايفانى فرحان و سعيد انى قابلتك ااقوم ارقصلك يعنى؟

2- ولما ترد و تقول خلاص انا اسفة
ترد و تقول شىء طبيعى

3- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها طبعا ولا تعبرها وانا عارف ناها صعبه عليكوا شويه بس استحملوا ومتعبرهاش او على الاقل ترش عليها ميه!!

4- لو كنت فى عربيتك و عدى من جنبيك عربية و فيها بنت حلوة افضل باصص لها و متنح و لما تسألك انت بتبصلى كده ليه شد على الرابع و نفضلها…….

5- لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها معلش اصل صوتك شبه صوت واحد صاحبى اسمه فتحى بالظبط

6- لو ماشى مع بنت جميلة جدا و بتسألك عن رايك فى شكلها قولها هايلة يا حياتى بس لو فيه منك على حريمى!!!!!! ههه

7- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30 بص فى ساعتك و قوللها تمام الساعة بتاعتك مظبوطة!!!!!

8- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تديها كلاكس يخليها تنط من مكانها هههههههههههه…..

9- لو نفسك تمشى مع بنت عندك فى الكليه و كانت جاية تطلب منك حاجة للمرة الاولى فى حياتها (والطريقة مجربة و جابت مفعول) …..
هتنادى عليك……..
– احمد …. ممكن لو سمحت……
– بصلها و اضحك فى و شها و بعدين دور وشك و نفضلها خالص و لا كانك شفتها قبل كده……
طبعا و شها هيبقى احمررررررر لكنها بعد كده هتروح تشتكيك لزميلاتها و تقول عليك انك واد تنك وبارد وماعندكش دم ولا ذوق….
وفجأه روح كلمها عادى وقولها كنتى عايزه ايه و لا كأن حاجة حصلت……
هتحتار فيك و تعجب بيك…. و يمكن تحبك…..

10- لو انت فى محل ودخلت بعديك بنت طبعا من الزوق انك تقول للبياع خلص الانسة الاول …….. والبياع لسة بيجيبلها الحاجة قوله : ماتخلصنى بقالى ساعة قدامك و بعدين انا جى قبل الانسه (طبعا اعمل حسابك ان البقال هيضربك باى حاجة فى ايده)