ازاى تخلى صديقتك او صاحبتك تحبك ؟ هناااا 2019

الإقتراح الأول انكـ ترسليلها رسايل كدا وتقوليها وحشانى يا احلى صاحبة فى الدنيا يا قمر

وكدا يعنى أنا مش هواصيكم بقا فى الكلام دا طب ممكن حد يكون صعب عليه موضوع الرسايل دا عشان بيكلف فلوس وكدا يعنى انتى ممكن تشتركى فى عرض رسايل مثلا بس مش تقعدى ترسليلها عماال على بطال لحسن تفقش الفكرة وطبعا هاتسالك وتقومى قايلالها انك مشتركةفى عرض رسايل وهاتفتكر كدا انك عايزة تخلصى الرسايل اللى كسبتيها وخلاص .

الإقتراح التانى بقا تقدميلها هدية جميلة مثلاا دلاية موبايل أو كفر أو تجيبيلها اكسسوارات وانتوا عارفين طبعاا ان احنا البنات فى السن دا بنحب نلبس اكسسوارات وممكن تجيبيلها دبدوب صغير جداا للون هيا بتحبه هيا فعلا هدية بسيطة بس مفعولها سحرى وانتى عارفة ان الرسول صلى الله عليه وسلم قال .

الإقتراح الثالث قوليلها ان أنا قريت المعلومة دى عالنت أو النصيحة دى أو مثلاا حاجة مفيدة للشعر أو البشرة وحبيت اقولهالك عشان نستفاد مع بعض بيهافهيا كدا هاتعرف انكـ مهتمة بيها بس انتبهى أوعى تكثرى من النصح ليها لحسن تفتكر انك مش عاجباهاأو انك منتقداها.

الإقتراح الرابع إنك تشاركى معاها الراى يعنى تستشيريها فى أمورك بس مش تقوليلها اسراركـ وبعدين تسأليها السؤال دا )انا اعمل ايه دلوقتى ) لا كل واحد وليه خصوصيات انتى ممكن تسأليا إيه رأيك اشترى ايه عالعيد كدا يعنى الحاجات السطحية الواضحة دى .

الإقتراح الأخير بقا انكـ تدعيها انكم تخرجوا تتفسحوا مع بعض فى أى مكان وتشتروا حاجات ولو بسيطة .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى