اختارى الصديقة الصح،بقولك اهو 2019

اختارى الصديقة الصح

يعنى ايه ؟؟ هقولك يعنى ايه ..

أحياناً لما تيجى السنه الجديده ونروح المدرسه بنلاقى بنات جداد .. بتبقى البنات دى عايزة

تتعرف عليكى .. فالبنت تقولك :-

أيه رأيك نتعرف على بعض ؟

تقومى انتى تقوليلها : اوكى ياقمر مفيــش أىىىىى مشـــكلة

وهى تقولك : اسمك ايه ؟

هتردى وهتقوليلها : منة

وهى تقولك : …..

وتبدأى انتى وهى تتعرفوا على بعض وتتكلموا مع بعض

بعد بقى مثلاً لما يمر أسبوع على صداقتكم تلاقى البنت صاحبتك بتقول

ايه يابت عمله ايه ؟؟

تقومى انتى قايلالها : الحمدلله وانتى يا اوختشى

هتقولك : بخير والحمدلله ..

بعدين تبدأو الحصة وفى البريك أكيـــد بتنزلى انتى وهى مع بعض ..

هتقولك : أيه رأيك يا بت نلعب استغماية ؟؟

هتقوليلها : ماشى يا أوختشى ..

انتى لاحظتى أنتى قبل متتعرفى عليها كنتى بتتكلمى ازاى وبعد مصاحبتيها بقيتى

تتكلمى أزاى ؟

مممممممممم لا يامنة ملحظناش ..

هقولكم :-

انتى قبل متتعرفى عليها كنتى بتقولى ياقمر وكنتى بتقولى أوكى .. اجنبيه يعنى اختارى الصديقة الصح،بقولك 03a.gif

وبعد ماتعرفتى عليها بقيتى تقولى : ( يابت – يا أوختشى – ……. إلخ )

لاحظى ان البنت اللى انتى صدقتيها دى :-

أول حاجة : غيرتك فى أفعالك

ثانى حاجة : غيرتك فى كلامك

( ….. إلخ )

يبقى انتى .

أول حاجة : استفدتى من صداقتها ايه ؟

ثانى حاجة : من صداقتها بقيتى تقولى ( يابت – يا أوختى – ….. إلخ )

ففمرة تيجى وتقولك ( صحبتك ) :-

ايه يابت يلاااااااا نلعب ..

فانتى بقى مش عايزة تقولك بت فهتقوليلها :-

لوسمحتى متقوليليش يابت ..

هتقولك : وايه يعنى مده العادى ..

هتقوليلها : ده بقى مش العادى بتاعى

هتقوم رده وتقول : بقولك ايه مانتى كنتى امبارح كويسه أيه اللى غيرك اتعدلى يا هبله ..

وشتمتك وقالتلك ياهبله .. تفتكرى أنتى عشان مؤدبه ومحترمه تردى وتقوليلها

: اتعدلت يا هبله

ولا تقوليلها : انا هبله .. انا اصلاً هبله انى اتعرفت على واحده زيك ..

وتسبيها وتمشى ..

انتى كده ولا شتمتيها ولا اىىىىى حااااجة

ده كده الأصح عشان انتى محترمة ومؤدبه

الخلاصه انك لما تيجى تصاحبى أى بنت شوفى الأول حاجات وهى :-

1- تصرفاتها

2- افعالها

3- كلامها

فانتى اختارى الصديقة اللى تناسبك وحاسبى لأن الأصحاب أحياناً بيغيروا فيكى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى