احبها

ما هي كما باقي الناس ..فريدة متميزة في حلاها
سحر العيون الي تقول عين جرناس ..انا اشهد اني ذايب في هواها
اهوى لهيب الشوق مع حر الانفاس ..طعم الوله مثل الشهد في شفاها
ما مثلها يا ناس بين الاجناس ..متوهجة بالحسن ربي عطاها
هي الحلى كله من غير مقياس ..هي الوحيدة مالي عشق سواها
نفسي بها وحبي لها صار وسواس ..ما تستريح النفس الا معاها
فواحة كالعطر تبرق كالماس .. حرير ملمسها بلحظة لقاها
اما سواليفهاغنج حيل وهماس ..سليب عقل منه يسمع حكاها
عنقها يا محلى العنق من فوقه راس ..نجم الثريا والشعر هو سماها
ان بعدت قمت اضرب اخماس باسداس ..وان اقبلت روىظمأ الروح ماها
لانها لي روح مع نبض وانفاس ..لا فارقتني صرت ميت بلاها
عقدت انامعها تجارة بلا افلاس ..شريتها وهي شرت من شراها
نمشي ومشاعرنا لنا جند وحراس ..ما نفترق من ذلتي او خطاها
زانت حياتي واغمرت قلبي احساس ..ريم تنفست الهوى من هواها
يالله من تخلق الجن والناس ..يا ريت تكتب لي نصيب معاها

الوسوم
إغلاق
إغلاق