اجازتك وحياتك هتبقي احلي معايا نوريني يا جميل 2019

اولا :انا هتكلم عن مذاكرتي
انا كنت بذاكر حلو من اول السنة جدا جدا يعني وكنت طبعا باخد دروس في كل المواد يعني علشان المدرسين في المدرسة اكترهم مش بيهتموا بالطلاب او مش بيشرحوا المهم انكوا تختاروا مدرسين شاطرين ودي المشكلة اللي انا وقعت فيها واني اخترت كل مدرسيني صح ماعدا مدرس الانجليزي هو الصراحة شاطر وممتاز ماشاء الله وشرحه مفيش له مثيل بس المشكلة عنده ف حكاية الحفظ والتسميع والحل يعني هو مكنش مهتم خاااالص بالحل او الحفظ وده اثر عليا في الامتحانات انا مش هقول ان انا شاطرة ف الانجليزي بس انا الاول كنت ممتازة فيه من الابتدئي حتي الاعدادي بس المهم انا قررت اخد درسين المهم الخلاصة من ده اختاري مدرسك صح.

نصيحة : متفكريش ان الثانوى زي الابتدائي او الاعداي زي ما انا كنت مفكرة بالعكس دي مرحلة تانية خااالص لواحدها كدة يعني محتاجة منك مجهود كبيير .

ثانيا: هتكلم عن اصحابي:
بصي يا زهره لازم تختاري صديقتك حلو يعني مش اي حد تصحبيه والسلام لالالا لازم تحطي مواصفات وشروط لاختيارك الصديقة دي (هههههه مش مواصفات عريس ولا حاجة هههههههههه) يعني بصي انتي طبعا ارفة ان اللي انتي بتمشي معاها دي بتكون زي عنوانك او الواجهه بتاعتك قدام الناس يعني لو هي مهذبة اكيد هتبقي انتي مهذبه لو هي لاقدر الله غير كدة انتي برده نفس الكلام ؛ يعني انتي لازم تختاري الصديقة اللي تحبك وتخاف عليكي حتي من نفسك وتكتم اسرارك وتكون معاكي في كل الظروف فرح او حزن يعني بالخلاصة هي اختك
وده اللي انا عملته صحبت بنت جميلة جدا والله ويارب يحميها وهي شطورة الحمدلله في حياتها وفي دراستها وهي اللي بتشجعني ع المذاكرة ووقفت جمبي في ظروف كانت صعبة وكانت بتنصحني , اصل انا برده كنت طايشة يعني في قصص الحب وكدة بس هي وقفت جمبي بس المشكلة والحقيقة اللي انا اكتشفتها ان اللي انا كنت بحبه طلع بيحب صحبتي دي مكنش بيحبني وكان بيلعب بيا ؛بس الحمدلله ربنا هداني ونور بصيرتي

ملحوظه هااامه: انتي ياقمر زهره لسة صغيرة وبتبدأ تفتح يعني ياريت ماتامنيش بقصص الحب ماشي اوك حبي بس لما تكبري احلي والله العظيم وتعرفي لما تغضي بصرك ربنا هيبعتلك نصيبك في المستقبل اللي يحميكي ويحافظ عليكي وانا بقولك الكلام ده وانا مجربة والله ؛انا مؤمنه بان الب جميل بس لما يكون في الحلا ويكوون ربنا راضي عنك وعنه يعني لو انتي بتحبي الواتي ادعي ربنا يبعده عنك لغاية اما تكبري وربنا هيرزقك بابن الحلال .

بصوا بقا انا هعمل الموضوع ده علي اجزاء كتير يعني هيبقا موضوع شامل بمناسبة الاجازة نتكلم في كل حاجة العناية بالجسم وديننا وغيره وغيره وان شاء الله نحفظ قران وانا هعمل ان شاء الله مسابقة كل اسبو يعني هيبقا يومين ف الاسبوع يوم اسئلة ويوم اقدم فيه الجوايز
واللي موافقة تعملي اقتباس او تسيبلي ردها
وان شاء الله لموضوع يعجبكوا
وانا في انتظاركوا حبيباتى