أجمل أبيات الشعر الشعبي

راعيت كل الناس

عقب السنين اللي مضت هم واحزان
عرفت ويش اللي مسبب جروحي
طول السنين اجامل فلان وفلان
راعيت كل الناس ونسيت روحي


خل المسامع

خل المسامع مع كلامك تفتح
عطني وانا بعطيك علمٍ وكادي
من حين شفتك بالمفاتن توشح
أيقنت باني لو تماديت غادي


البس له أغلى اللبس

أبوس خشمه وأنشده ويش لونه؟
ومحبتي له ما وراها طمايع !
واقدره واشاركه في حزونه
وأثره عدو لي خبيث الطبايع!
أكْحل عدوك لين تعمي عيونه !
والبس له أغلى اللبس لو كنت جايع


لا أقدر أمشي ولا أروح

سهران لين الشمس يكمل وضوحه
وانام ولا أقدر أمشي ولا أروح
مجروح روحٍ والعزا بان بوحه
واخاف سدّي من العنا يعلن البوح


لا تزعل أصحابك

لا تزعل أصحابك.. وتفرح عليك الجبان
اللي مزاجه إذا زاد زعلك يستوي
وأحّذرك لا تجي في ماقفٍ به هوان
تشويك الأعدا على نار المهونة شوي


يابعد كل من حبيت

كفى الله فراقك يابعد كل من حبيت
عسى الموت لي قبلك وطيّات الأكفاني
أنا ويش يبقى لي الى أرخصتني واقفيت
ولا لي مراد بعيشةٍ كلها أحزاني


غذر الزمان

لاصار غدر السنين اشكال والواني
غصباً تموت القلوب ودمها فيها
وانا زماني سرى والنوم ماجاني
والنفس دايم تحن لذكر ماضيها


حقوق الجار

احفظ حقوق الجار خلّك له سلاح
قاله رسول الله بحكمة فصيحه
والصمت حكمة والصبر خير مفتاح
والعدل ميزان العقول الرجيحه


رعبوبة

واللي بلاه النصيب بحب رعبوبه
راحت من ايده وقلبه بين أياديها
يبطي ونفسه عن اللذّات محجوبه
ويندم على الساعة اللي شافها فيها


حالي من الصد منكوبه

أخفي عن العالم معالم محبتها
وأنا والله إن حالي من الصد منكوبه
جروح الهوى تبرى وتبرد حرارتها
ليا حصل الظامي من العِد مشروبه

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق